ഉണങ്ങാത്ത മുറിവുകള്‍

ജീവിതം ഒരു സത്യമാണ്!

എത്ര നാള്‍ ജീവിക്കുന്നുവോ എന്നതല്ല എങ്ങനെ ജീവിക്കുന്നു എന്നുള്ളതാണ് അര്‍ത്ഥപൂര്‍ണ്ണമായ ജീവിതം. മറ്റുള്ളവര്‍ക്ക് വേണ്ടി ജീവിച്ചു സ്വന്തം ജീവിതം ബലിയാടാകുക എന്നുള്ളതാണ്  എന്റെ ജീവിതത്തില്‍ സംഭവിച്ചത്! എങ്ങനെ ആയാലും ഈ ലോകത്തെ ജീവിതം നശ്വരം മാത്രം... ഒരിക്കല്‍ യാത്ര പറയണം. വെറും കയ്യോട് കൂടി വന്ന നാം വെറും കയ്യോട് കൂടി  തന്നെ തിരിച്ചുപോകേണ്ടതാണ് .  ചിലര്‍ നന്മ ചെയ്തും സത്യത്തിനും നീതിക്കും വേണ്ടി ജീവിക്കുമ്പോള്‍ മറ്റുചിലര്‍ ജീവിതത്തെ താല്‍ക്കാലിക മോഹങ്ങള്‍ നേടാന്‍വേണ്ടി മാത്രമായി ഉപയോഗിക്കുന്നു. സ്വന്തം നേട്ടങ്ങള്‍ക്ക് വേണ്ടി മറ്റുള്ളവരെ ദ്രോഹിക്കുന്നത് പൊറുക്കാന്‍ ആവാത്ത തെറ്റാണെന്ന് ഇക്കൂട്ടര്‍ മനസ്സിലാക്കുന്നില്ല. അവര്‍ക്ക് അവരുടെതായ സുഖവും സന്തോഷവും മാത്രം. സ്വഭാവ ശുദ്ധി ജീവിത വിജയത്തിന്റെ രഹസ്യമാണ്.  ജീവിതം ഒരു യാത്രയാണ് ഓരോ വ്യക്തിയും സുഖവും ദുഖവും കൊണ്ടാണ് നടക്കുന്നത്. മുള്ളുകള്‍ക്കിടയില്‍ വളരുന്ന റോസാ പുഷ്പം പോലെ ആണ് മനുഷ്യ ജീവിതം . ദുഖം മാത്രം നിറഞ്ഞ വ്യക്തികള്‍ക്ക് ദൈവം എന്നെങ്കിലും സമാധാനവും സന്തോഷവും നിറഞ്ഞ ഒരു ജീവിതം കൊടുക്കട്ടെ എന്ന് ഞാന്‍ ആശിക്കുന്നു . എന്ടെ അഭിപ്രായത്തില്‍  മരണത്തെക്കാള്‍ കഷ്ടപ്പാടാണ് ജീവിതം ! എന്നാല്‍ മരണം ഒന്നിനും പരിഹാരമല്ല അത് ജീവിതത്തില്‍ നിന്നുള്ള ഒരു ഒളിച്ചോട്ടം മാത്രം എന്ന് ഞാന്‍ മനസ്സിലാക്കുന്നു