Sunday, June 3, 2012

"അവള്‍ പറഞ്ഞത്"



എനിക്കിവിടെ സ്ഥിരമായി ഒരു ജോലിതരുമോ..?
വീട്ടില്‍ , മേസ്തിരിയുടെ കൂടെ മൈക്കാട് പണിക്ക് വന്ന, മെലിഞ്ഞ് കാണാന്‍ ചന്തമുള്ള ആ പെണ്ണിന്റെ ചോദ്യം കേട്ട് ഞാനൊന്നു ഞെട്ടി. ഒരു മൈക്കാടിന് ഇന്നത്തെ കൂലിഎത്രയെന്ന് ഞാന്‍ പറയാതെ തന്നെ നിങ്ങള്‍ക്കറിയാം. അപ്പോള്‍ ദിവസവും ആ ശമ്പളത്തിന് അവളെ വീട്ടുജോലിക്കു നിര്‍ത്തുന്നകാര്യം ഓര്‍ത്ത് അന്തം വിട്ടുനിന്ന എന്നോട് അവള്‍ പറഞ്ഞു .
“ഈ കൂലിയൊന്നും വേണ്ടാട്ടോ ,സ്ഥിരം ജോലിയാകുമ്പോള്‍ ഇതിന്റെ പാതി മതി
പക്ഷേ ഞാന്‍ എന്തുപണി കൊടുക്കും ..? കുറെ കഴിയട്ടെ പണി ഉണ്ടെങ്കില്‍ അറിയിക്കാം എന്ന് പറഞ്ഞപ്പോള്‍ . അവളുടെ കണ്ണുകള്‍ നിറയുന്നത് കണ്ടു .
“എന്ത് പണിയും ഞാന്‍ ചെയ്തോളാം..., വളരെ കഷ്ടപ്പാടാണ് ..സഹായിക്കണം..”
ആ ദീനതയില്‍ , അവളെ ശ്രദ്ധിക്കാതിരിക്കാന്‍ എനിക്കായില്ല.
“പുറമ്പോക്കില്‍ രണ്ടു മക്കളെയും കൊണ്ട് താമസിക്കുകയാ .ആവുന്നകാലത്ത് എന്തേലും ജോലി ചെയ്തു അല്‍പ്പം കടമുള്ളത് വീട്ടാന്‍ സാധിച്ചില്ലേല്‍ പിന്നെ ….”
അവളുടെ കണ്ണുകള്‍ നിറയുന്നുണ്ടായിരുന്നു.
അവളുടെ ഭാഗ്യം കൊണ്ടോ ,ആ കണ്ണുനീര്‍ ദൈവം കണ്ടതുകൊണ്ടോ വീട്ടിലെ പുറമ്പണിക്കാരുടെ കൂടെ അവളേയും ചേര്‍ക്കാന്‍ എനിക്കു കഴിഞ്ഞു.
ആറ് ആങ്ങളമാര്‍ക്ക് ഒരു പെങ്ങള്‍ ..!കുട്ടിക്കാലം മുതല്‍ കഷ്ടപ്പാട് നിറഞ്ഞ ജീവിതമാ യിരുന്നെങ്കിലും, സഹോദരങ്ങള്‍ക്ക് പ്രിയങ്കരിയായ അവളെ അവര്‍ പറ്റാവുന്ന രീതിയില്‍ വിവാഹം കഴിപ്പിച്ചയച്ചു . നല്ലവനെന്നു നടിച്ചു വിവാഹം കഴിച്ചവന്‍ മഹാവൃത്തികെട്ടവനായിരിക്കുമെന്നു സ്വപ്നത്തില്‍ പോലും കരുതിയില്ല .ദുര്‍നടപ്പുകാരനായ അവന്‍ ഉള്ള സ്വത്ത് മൊത്തം കൈക്കലാക്കി. തന്റെ സഹോദരങ്ങളെ ഓര്‍ത്തു അവള്‍ ആവതും പിടിച്ചു നിന്നു . സഹികെട്ടു മക്കളേയും കൊണ്ട് ഭര്‍ത്താവിന്റെ വീട്ടില്‍ നിന്നും ഒരിക്കല്‍ അവള്‍ക്കിറങ്ങേണ്ടി വന്നു .
സഹോദരങ്ങളുടെ വീട്ടില്‍ മാറിമാറിത്താമസിച്ചു . വര്‍ഷങ്ങള്‍ പലതു കഴിഞ്ഞു. കഷ്ടപ്പാടുകള്‍ എന്തെന്ന് ശരിക്കും അനുഭവിച്ചനാളുകള്‍ ..! മക്കളെ നെഞ്ചോടു ചേര്‍ത്ത് വിങ്ങി കരഞ്ഞു തളര്‍ന്നുറങ്ങിയ രാത്രികള്‍ . എന്തിനും ഏതിനും സഹോദരങ്ങളെ ബുദ്ധിമുട്ടിക്കാന്‍ അവള്‍ കൂട്ടാക്കിയില്ല. അവള്‍‍ ജോലിക്ക് പോയി തുടങ്ങി . തുച്ഛമായ ശമ്പളം കൊണ്ട് മക്കളുടെ ഇഷ്ട്ടങ്ങളും പഠിപ്പും ഒന്നും വേണ്ടപോലെ നടത്താന്‍ പറ്റിയില്ല. എങ്കിലും ആവുന്നരീതിയില്‍ അവര്‍ സ്വസ്ഥമായി ജീവിച്ചു.
കനാലിന്റെ സമീപം പുറമ്പോക്കില്‍ അവളുടെ പരിചയത്തിലുള്ള ഒരു കുടുംബം താമസിച്ചിരുന്നു ‍ ഒരുനാള്‍ ആ കൂര പൊളിച്ചു മാറ്റാന്‍കോടതി ഉത്തരവായി . ഉദ്യോഗസ്ഥരുടെ കാലില്‍ വീണു കരഞ്ഞ വീട്ടുകാരോട് ,തല്‍ക്കാലം അപ്പുറത്തെ സൈഡില്‍ കുടില്‍ വച്ചുകൊള്ളുക എന്നും, മറ്റൊരു കുടുംബം കൂടി അവിടെ താമസത്തിനുണ്ടായാല്‍ ഒരുപക്ഷേ അവിടെ നിന്നു മാറാതെ പറ്റിയേക്കാം എന്നും അവര്‍ ആശ്വാസം പകര്‍ന്നു. ആ വീട്ടുകാര്‍ ഉടനേ ഇവളോട് ആ വിവരം പറഞ്ഞു. ഈ സന്ദര്‍ഭം വിനിയോഗിക്കാന്‍തന്നെ അവള്‍ തീരുമാനിച്ചുറച്ചു. ഒരു ദിവസം കൊണ്ട് വീട് വക്കണം. നാളെ മേലുദ്യോഗസ്ഥര്‍ വന്നു നോക്കുമ്പോള്‍ ഒരു കൂരയെങ്കിലുമുണ്ടെങ്കില്‍ തനിക്കും തല്‍ക്കാലം അവിടെ കഴിയാം.
അവള്‍ വേഗം സഹോദരങ്ങളെ പോയി കണ്ടു . അവര്‍ എല്ലാവരും ഓടിയെത്തി,നല്ലവരായ നാട്ടുകാര്‍ അവരെ സഹായിച്ചു . കനാലില്‍ നിന്നും മണ്ണെടുത്ത് കുഴച്ചും,ഓലകെട്ടിയും, ഒരു രാത്രികൊണ്ട് അവരൊരു കുടില്‍ തീര്‍ത്തു ..!അതിരാവിലെ തന്നെ അതില്‍ പാലുകാച്ചി. തലചായ്ക്കാന്‍ ഒരിടമായി. ഏതൊരു മനുഷ്യന്റേയും ആഗ്രഹം. അത് എല്ലാവരുടെയും സ്വപ്നമാണ്, സങ്കല്പ്പമാണ് . ഒരു വീട് ആഗ്രഹിക്കാത്ത ആരും ഉണ്ടാവില്ല . ആരോഗ്യം ഉണ്ടെങ്കില്‍ അധ്വാനിച്ച് ആഹാരം കണ്ടെത്താം . തലചായ്ക്കന്‍ ഇടം ഇല്ലെങ്കിലോ..!
ആ വീടിന്റെ ഉമ്മറത്തിരുന്നു സന്തോഷം കൊണ്ടോ സങ്കടം കൊണ്ടോ അവള്‍ പൊട്ടിക്കരഞ്ഞു. തന്റെ ജീവിതയാത്രയിലെ ആകെ ഉള്ള സമ്പാദ്യം..! രണ്ടു മക്കളും ,കുറെ കണ്ണുനീരും, ദാ ഇപ്പോള്‍ തലചായ്ക്കാന്‍ ഒരിടവും..!
ഒരു ദിവസം സര്‍ക്കാര്‍തലത്തില്‍ ഒരു പ്രസ്ഥാവന ഇറങ്ങി, റോഡിനോട് ചേര്‍ന്നുള്ള പോസ്റ്റിന്റെ അടുത്ത് നിന്നും നാല് മീറ്റര്‍ ദൂരമുള്ള നൂറു വീട്ടുകാര്‍ക്ക് സര്‍ക്കാര്‍ ചിലവില്‍ വൈദ്യുതി കണക്ഷന്‍ കൊടുക്കുന്നു. ശ്രമഫലമായി അവള്‍ക്കും കറണ്ട് കിട്ടി . കുട്ടികള്‍ വീണ്ടും വളര്‍ന്നു. മിടുക്കന്മാരായ രണ്ട് ആണ്മക്കള്‍ . മൂത്തയാള്‍ക്ക് പതിമൂന്നും ഇളയവന് പതിനൊന്നും വയസ്സ് പ്രായമായി
വീട് ഇപ്പോള്‍ സിമന്റെ കട്ട വച്ച് കെട്ടിമറച്ചു. രണ്ടു മുറികള്‍ ഇറക്കി മേല്‍ക്കൂര ഷീറ്റ് ഇട്ടു . കിണര്‍ കുഴിച്ചു അങ്ങനെ സ്വന്തം കഠിനാധ്വനത്തിലൂടെ ആ കൂര അവള്‍ ഒരു വീടാക്കി മാറ്റി.! അങ്ങനെയാണ് കുറച്ചു കടങ്ങള്‍ വന്നത് , അത് വീട്ടണം.അതിനു സ്ഥിരമായി ഒരു ജോലി വേണം അതിനായാണ് അവള്‍ എന്റെ സഹായം ചോദിച്ചത്.
വര്‍ഷങ്ങള്‍ക്കു ശേഷം സന്തോഷം എന്തെന്നറിഞ്ഞു ജീവിക്കാന്‍ തുടങ്ങിയപ്പോഴാണ് ഭര്‍ത്താവെന്ന ആ മനുഷ്യന്‍ വില്ലനായി വീണ്ടുമെത്തിയത്. തികഞ്ഞ മദ്യപാനിയും സ്ത്രീലമ്പടനുമായ അയാള്‍ ആ മക്കളെ സ്വാധീനിച്ചു വീട്ടില്‍ താമസിക്കാന്‍ ശ്രമിക്കുന്നത്രേ..! കഴിഞ്ഞ ദിവസം അതുപറഞ്ഞ് പൊട്ടിക്കരയുകയായിരുന്നു അവളെന്റെ മുന്നില്‍..!
ഒരിക്കല്‍ പറക്കമുറ്റാത്ത തന്റെ മക്കളെ മാറോടണച്ച് ,ഒരാശ്രയത്തിനായി താന്‍ കേഴുമ്പോള്‍..
അത്രയേറെ സ്നേഹിക്കയും ,വിശ്വസിക്കയും ,ഇഷ്ടപ്പെടുകയും ചെയ്ത സ്വന്തം ഭര്‍ത്താവ് മദ്യവും മദിരാക്ഷിയുമായി പരസ്യമായി ചുറ്റിയടിച്ചുരസിച്ചു. അച്ഛന്റെ വാത്സല്യത്തിനായി കുഞ്ഞു മനസ്സു കേഴുമ്പോള്‍ അയാള്‍ എവിടെയൊക്കെയോ ആലസ്യത്തിലമരുകയായിരുന്നു..! അവള്‍ അയാളെ വെറുത്തു ,മുന്‍പ് എത്രയേറെ സ്നേഹിച്ചിരുന്നോ അതിലേറെ ..! ഇനിയാവില്ല അയാളെ ഉള്‍ക്കൊള്ളാന്‍..!സ്വന്തം മക്കള്‍ അവള്‍ക്കു ജീവനാണ് , അവര്‍ അവളുടെ ശ്വാസമാണ് , അവള്‍ ജീവിച്ചിരിക്കുന്നത് തന്നെ അവര്‍ക്ക് വേണ്ടിയാണ്. എല്ലാ ദു:ഖങ്ങളും ഉള്ളിലൊതുക്കി,നീറുന്ന മനസ്സുമായി ജീവിക്കുന്ന ആ പാവത്തിനെ മനസ്സിലാക്കാന്‍ ആരുമില്ല , മക്കള്‍ പോലും..!. ഒരു വേള അവരും അച്ഛനെന്ന ആ മനുഷ്യനു കീഴ്പ്പെട്ടുപോകുകയാണോ..! അയാളുടെ പ്രലോഭനങ്ങളില്‍ അവര്‍ വീഴുകയാണോ.? അവരും അവളില്‍നിന്നകലുകയാണോ..? അവളുടെ ത്യാഗവും, കഷ്ട്ടപ്പാടും, ദു:ഖവുമൊക്കെ ആരു കാണാന്‍..! അവള്‍ എന്ത് ചെയ്യണം . ? നിറഞ്ഞു തുളുമ്പിയ കണ്ണുമായി അവള്‍ എന്നോട് ചോദിച്ച ആ ചോദ്യം ഞാന്‍ നിങ്ങളോട് ചോദിക്കുന്നു . അവള്‍ എന്ത് ചെയ്യണം ? നിങ്ങളുടെ വിലയേറിയ അഭിപ്രായം അറിയിക്കുമെല്ലോ ?
സ്നേഹാദരങ്ങളോടെ
കുങ്കുമം

125 comments:

  1. പെണ്‍മക്കളെ കെട്ടിച്ചയക്കുമ്പോള്‍ മാതാപിതാക്കള്‍ ശ്രദ്ധിക്കേണ്ട ഗൗരവമായ ചിന്തയിലേക്ക് കൂടി വിരല്‍ചൂണ്ടുന്നുണ്ട് തൂലിക.മുഴുക്കുടിയനും സ്ത്രീലമ്പടനുമായ ഒരു ഭര്‍ത്താവിനെ,ഇനിയും അയാള്‍ അത്തരം ദുര്‍വൃത്തികള്‍ ചെയ്യില്ലെന്ന ഒരു 'സങ്കല്‍പ'ത്തില്‍ എങ്ങിനെ വിശ്വാസത്തിലെടുക്കും?കുടുംബജീവിതത്തിലെ പൊരുത്തക്കേടുകള്‍ പരിഹരിക്കാന്‍ ആവശ്യമായ വ്യവഹാരങ്ങളിലൂടെ പ്രശ്നം എന്നേക്കുമായി പരിഹരിച്ചതിനുശേഷം മാത്രം അവള്‍ കുടുംബജീവിതം തുടരട്ടെ.അല്ലാതെ വീണ്ടുമൊരു ദുരിതത്തിലേക്ക് എടുത്തു ചാടാന്‍ തുനിയരുത്.ഇതാണ് എന്റെ അഭിപ്രായം...കൊച്ചുമോള്‍ക്ക് ആശംസകള്‍ !

    ReplyDelete
  2. തല്‍ക്കാലം കുടുബ ജീവിതം മാറ്റി വെക്കട്ടെ കടങ്ങള്‍ വീട്ടി കുട്ടികളെ വളര്‍ത്തട്ടെ ഭര്‍ത്താവിനോട് പിരിയുവാന്‍ കഴിഞ്ഞില്ലന്കിലും കഴിവതും അകലം പാലിക്കട്ടെ

    ReplyDelete
  3. നല്ലൊരു ഹൃദയസ്പർശിയായ അനുഭവം വായിച്ചു,ഹൃദയം വേദനിച്ചു. ഇങ്ങനേയുള്ള അനുഭവം എന്ന് പറയുമ്പോൾ അത് തീർത്തും സ്വാഭാവികമായി മാറിയിരിക്കുന്നു ഇപ്പോൾ.! നാട്ടിലൊക്കെ ഒരുപാട് ആളുകളെ ഇങ്ങനെയുള്ള അവസ്ഥയിൽ കാണാം,അതെല്ലാം കണ്ടും കേട്ടും മനസ്സ് മരവിച്ച പോലെയായിരിക്കുന്നു ഇപ്പോൾ കൊച്ചൂ. അതുകൊണ്ട് കൂടുതലൊന്നും പറയാനറിയില്ല. നല്ലൊരു കുറിപ്പ് ട്ടോ. ആശംസകൾ.

    ReplyDelete
  4. ആ അമ്മ അനുഭവിച്ച പ്രയാസങ്ങള് ഒരു പരിധിയില്‍
    കവിഞ്ഞു ഉള്‍ക്കൊള്ളാന്‍ മക്കള്‍ക്ക്‌ ആവില്ല..അത്
    അങ്ങനെ ആണ്..അവരെ സംബന്ധിച്ചിടത്തോളം വര്‍ഷങ്ങള്‍ക്കു
    ശേഷം അച്ഛന്‍ വരുന്നു എന്ന് മാത്രമേ അവര്‍ ചിന്തിക്കൂ..

    കവിയൂര്‍ പറഞ്ഞത് ആണ് എന്റെയും അഭിപ്രായം..കഴിയുന്നതും
    അകലം പാലിക്കുന്നത് ആണ് നല്ലത്..‍മക്കളോട് ദേഷ്യപ്പെട്ടിട്ടും
    കാര്യം ഉണ്ടാവില്ല..ഇനിയും ഉണ്ടാകാവുന്ന ബുദ്ധിമുട്ടുകള്‍
    അവരെ പറഞ്ഞു മനസ്സിലാക്കുക...നല്ലത് വരട്ടെ എന്ന്
    പ്രാര്‍ഥിക്കുന്നു കൊച്ചുമോള്‍..

    ReplyDelete
  5. നിറഞ്ഞു തുളുമ്പിയ കണ്ണുമായി അവള്‍ എന്നോട് ചോദിച്ച ആ ചോദ്യം ഞാന്‍ നിങ്ങളോട് ചോദിക്കുന്നു . അവള്‍ എന്ത് ചെയ്യണം ? നിങ്ങളുടെ വിലയേറിയ അഭിപ്രായം അറിയിക്കുമെല്ലോ ?

    ഇതിനെന്തഭിപ്രായം പറയാനാണ്.ഇതേപോലെ ഒരു സന്നിഗ്ദാവസ്ഥ പണ്ട് എനിക്കും നേരിടേണ്ടി വന്നിട്ടുണ്ട്. ഇതേപോലെ പണിക്കായി വന്ന ഒരു പെങ്കൊച്ചിനെ കുടിയനായ ഭര്‍ത്താവിന്‍റടുക്കല്‍ നിന്നും രക്ഷപ്പെടുത്തി. പക്ഷെ ഇതെങ്ങിനെ കൈകാര്യെം ചെയ്യണം എന്നു ചോദിച്ചാല്‍ കഴിയുന്നതും അയാളെ ഒഴിവാക്കുക തന്നെ വേണം എന്നാണെന്‍റ പക്ഷം. ഇല്ലെങ്കില്‍ ആ സ്ത്രീ വീണ്ടും ദുരിതത്തിലേക്കായിരിക്കും. അവരെ നിങ്ങളുടെ വീട്ടിലൊരു ചെറിയ വീട്ടു ജോലി കൊടുക്കുകയാണെങ്കിലവര്‍ക്ക് അത് ഒരു സഹായം ആയിരിക്കും.

    ReplyDelete
  6. ആ അമ്മയുടെ വേദന മനസ്സില്‍ പടരുന്നു... മക്കള്‍ക്ക്‌ ആ സ്നേഹവും ത്യാഗവും തിരിച്ചറിയാന്‍ കഴിഞ്ഞില്ലെങ്കില്‍ ... അവരും വഴി തെറ്റിപ്പോവുന്നത് കണ്ടു ഉരുകിയെരിയെണ്ടി വരും ആ അമ്മയ്ക്ക് ....... അയാളോട് ഒരു നിലക്കും സഹകരിക്കാതെ തീര്‍ത്തും അവഗണിചു മാറ്റി നിറുത്തണം എന്നത് തന്നെയാണെന്റെ അഭിപ്രായം,.........

    ReplyDelete
  7. വളരെ നന്നായി പറഞ്ഞൊരു ജീവിതം സമൂഹത്തിന്റെ മുന്നില്‍ ഇങ്ങനെ എത്ര ചോദ്യ ചിഹ്നങ്ങള്‍ ആണ് ദിവസം ഉണ്ടാകുന്നതു ,ഉണ്ടാക്കപ്പെടുന്നത്...

    ReplyDelete
  8. അയാള്‍ക്ക് താത്പര്യം ഉണ്ടെങ്കില്‍ സ്ത്രീ ക്ഷേമ / വനിതാ കമ്മീഷന്‍ തുടങ്ങിയ ഇടങ്ങളില്‍ പോയി ഒരു മധ്യസ്ഥത നടത്തി കൂടെ താമസിക്കുവാന്‍ സമ്മതിക്കട്ടെ (അയാള്‍ എങ്ങാനും നന്നയാലോ). അയാള്‍ക്ക് അതിനു താത്പര്യം ഇല്ലെങ്കില്‍ ഒരിക്കലും സമ്മതിക്കരുത്. ഇനി ഭാവിയില്‍ ഒരു പ്രശ്നം വരുമ്പോള്‍ നിയമപരമായി നേരിടാനും മറ്റും അത് സഹായകമാകും.

    ReplyDelete
  9. ആത്മാവില്‍ നിന്നു പൊട്ടിച്ചിതറുന്ന ചോദ്യങ്ങള്‍ ..........!
    മുറിവുകളാല്‍ ഒഴുകുന്ന നഗരം...!
    നിസ്സഹായത..!
    പക്ഷെ തളരാതെ നീങ്ങാന്‍ ധൈര്യമുണ്ടെങ്കില്‍ വിജയിക്കുക തന്നെ ചെയ്യും.
    അവള്‍ മക്കളെ പറഞ്ഞു മനസ്സിലാക്കട്ടെ.., പിന്നെ നിയമപരമായി അയാളെ നേരിടട്ടെ.
    ആശംസകള്‍ .

    ReplyDelete
  10. വേദനിപ്പിച്ച അനുഭവം. നല്ലതിനായി മുന്‍വിധിയില്ലാതെ പ്രാര്‍ഥിക്കാം.

    ReplyDelete
  11. വല്ലാത്തൊരു അനുഭവം. ഇതുപോലെ അറിയപ്പെടാത്തവ ഇനിയെത്രയെണ്ണം

    ReplyDelete
  12. കൂടെ കിടന്നവനേ രാപ്പനി അറിയൂ എന്നൊരു ചൊല്ലുണ്ട്
    ഭര്‍ത്താവിനെ പൂര്‍ണ്ണമായി 'മനസ്സിലാക്കിയ' സ്ത്രീകള്‍ക്ക് പിന്നീട് കൂട്ടായി ദുസ്വപ്നങ്ങള്‍ മാത്രമാവും ഉണ്ടാവുക.ഒഴിവാക്കിയിട്ടും ഒഴിവാകാത്ത ഒഴിയാബാധയായി വീണ്ടും ആ പുരുഷനാല്‍ അവള്‍ വേട്ടയാടപ്പെടുമ്പോള്‍ തകര്‍ന്നു പോകാത്തവര്‍ ചുരുക്കം.
    നരകിച്ചു ഭര്‍ത്താവിനൊപ്പം കഴിയുന്നതിനേക്കാള്‍ ഏറെ മെച്ചമാണ് അരപ്പട്ടിണി ഭക്ഷിച്ചു സ്വസ്ഥമായി തനിയെ കഴിയുന്നത്!
    പക്ഷെ അവിടെയും നമ്മുടെ സമൂഹം എങ്ങനെ പ്രതികരിക്കുന്നു എന്നതു പ്രസക്തമാണ് .
    ഇവിടെ വേണ്ടത്, അവള്‍ക്കു തുണയായി സ്വന്തം വീട്ടുകാരും ബന്ധുക്കളും അയല്പ്പക്കവും ഉണ്ടാവുക എന്നതാണ്.

    ReplyDelete
  13. കുറെയേറെ ചോദ്യശരങ്ങളില്‍ ഓരോടുക്കം..വെറും ഒരു കഥയല്ല..അനുഭവം ആണെന്ന് എഴുത്ത് കണ്ടപ്പോള്‍ തോന്നി. എല്ലാവര്‍ക്കും നല്ലത് മാത്രം സംഭവിക്കുക എന്നത് പ്രായോഗികം അല്ലെന്നു തോന്നുന്നു..എന്തായാലും ഒരുപാട് നല്ല മനുഷ്യരുടെ പ്രാര്‍ത്ഥന കാണും കഷ്ട്ടപ്പെടുന്നവര്‍ക്ക് തണലായി..

    ReplyDelete
  14. നമ്മുടെ കുടുംബ വ്യവസ്ഥ സ്ത്രീയുടേ കണ്ണീരിലാണ് ഉറപ്പിച്ചിരിക്കുന്നത്.പെണ്‍മക്കളെ കല്യാണം നടത്തി ,ബാദ്ധ്യത ഒഴിവാക്കാന്‍ ശ്രമിക്കുന്ന മാതാപിതാക്കള്‍ ഉള്ളിടത്തോളം കാലം അതങ്ങിനെ മാത്രമേ വരൂ.

    ReplyDelete
  15. അറിയുന്നതിനേക്കാള്‍ അറിയപ്പെടാതെ പോകുന്ന ഇത്തരം എത്രയോ സംഭവങ്ങള്‍.
    കഴിയാവുന്നതും അകറ്റി നിര്‍ത്തി ജീവിക്കാന്‍ ശ്രമിക്കുക..

    ReplyDelete
  16. ഹൃദയസ്പര്‍ശിയായ അനുഭവം.
    എല്ലാ പ്രശ്നങ്ങളും ഒരുനാള്‍ പരിഹരിക്കപ്പെടുകതന്നെ ചെയ്യും എന്ന ശുഭ പ്രതീക്ഷയാണല്ലോ മനുഷ്യനെ മുനോട്ടു നയിക്കുന്നത്....
    എല്ലാം ശുഭമായി ഭവിക്കട്ടെ...

    ReplyDelete
  17. നന്നായി വിവരിച്ചു,
     ഇതൊക്കെ വായികുമ്പോൾ സങ്കടംവരുന്നത്  ചിലത്  ഒർകുമ്പോഴാണ്, 
    നമുകുചുറ്റുമുള്ളവരുടെ വേദന  എത്രതോളമായിരിക്കും, എല്ലാവരേയും രക്ഷികട്ടെ

    ReplyDelete
  18. നമ്മുടെ മക്കളെ ഇപ്പോഴേ പഠിപ്പിക്കാം അല്ലാതെ വേറെ ഒരു മാര്‍ഗമുണ്ടോ ...അടുത്ത തലമുറയെങ്കിലും മനുഷ്യരായി ജീവിക്കാന്‍ പ്രാര്‍ത്ഥിക്കാം .....

    ReplyDelete
  19. ജീവിതം തന്നെ പലര്‍ക്കും ഒരു ചോദ്യ ചിഹ്ന്നമാണ്..
    അപ്പോള്‍ പിന്നെ ഇത്തരം ചോദ്യങ്ങള്‍കുള്ള ഉത്തരം എങ്ങനെ കിട്ടനാണല്ലേ..

    എന്തായാലും... അയാളുടെ മടങ്ങി വരവ് ആത്മാര്തതയോടെയാനെങ്കില്‍ ..
    അല്ല... അങ്ങനെയാവട്ടെ....

    നല്ലതിനായി കാത്തിരിക്കാം..

    ReplyDelete
  20. വായിച്ചു. ക്രിയാത്മകമായി എന്തെങ്കിലും പറയാന്‍ തോന്നുന്നില്ല. ഒന്നും മനസ്സിലേയ്ക്ക് വരുന്നില്ല എന്നതാണ് സത്യം.

    ReplyDelete
  21. നല്ല അനുഭവ വിവരണം ... കഷ്ടപ്പാടുകള്‍ കണ്ടു കേട്ടും വളര്‍ന്നതിനാല്‍ (സ്വന്തമല്ല ചുറ്റുമുള്ളവരുടെ) ഇപ്പോള്‍ സന്തോഷ കഥകള്‍ കേള്‍ക്കുവാന്‍ ഇഷ്ടപ്പെടുന്നു. ഈയമ്മയുടെ കഥയും നല്ലതില്‍ അവസാനിക്കട്ടെ എന്ന് പ്രാര്‍ഥിക്കുന്നു... ആ മനുഷ്യന് നല്ലവന്‍ ആകുവാനുള്ള മനസ്സ് ദൈവം നല്‍കട്ടെ... ആയമ്മക്ക് ജോലി നല്‍കിയ കൊച്ചുവിന്റെ നല്ല മനസ്സിനും ദൈവം നല്ലത് നല്‍കി അനുഗ്രഹിക്കട്ടെ...!

    ReplyDelete
  22. ഹൃദയസ്പര്‍ശിയായ അനുഭവം...
    നല്ലത് വരട്ടെ എന്ന് പ്രാര്‍ഥിക്കുന്നു ...

    ReplyDelete
  23. മനസ്സുരുകുന്നു..
    മക്കളെ കഴിയുന്നത്ര ബോധ്യപ്പെടുത്തി, ഉണ്ടായ സംഭവങ്ങള്‍ കുറെയൊക്കെ അവരേയും അറിയിച്ച് വളര്‍ത്തുകയായിരുന്നെങ്കില്‍ ഇങ്ങിനെയൊരു ചായ് വ് അവര്‍ക്കുണ്ടാവുമായിരുന്നില്ലെന്ന് തോന്നുന്നു. അയാളെ അകറ്റി നിര്‍ത്താനുള്ള ഉള്‍ധൈര്യമാണവര്‍ക്കിപ്പൊ ആവശ്യം.
    അല്ലെങ്കില്‍ ചരിത്രം ഇനിയും ആവര്‍ത്തിച്ചേക്കാം.

    ReplyDelete
  24. ഇയാളില്‍ എന്തെങ്കിലും മാറ്റം വന്നിട്ടുണ്ടോ എന്നറിയണമല്ലോ, ഇല്ല എന്നുറപ്പുണ്ടെങ്കില്‍ മക്കളെ താന്‍ അനുഭവിച്ച വേദന പറഞ്ഞു മനസ്സിലാക്കുക. ആ അമ്മയെ മക്കള്‍ വിശ്വസിക്കാതിരിക്കില്ല ദുരിത കാലം അവരും കുറെ കണ്ടതല്ലേ. ഇല്ല ആ മക്കള്‍ക്ക് അമ്മയെ കയ്യൊഴിയാനാകില്ല. നല്ല പോസ്റ്റ്‌ കുങ്കുമം. ഹൃദയപൂര്‍വ്വം എഴുതി. ആശംസകള്‍.

    ReplyDelete
  25. ഹൃദയസ്പര്‍ശി - ഭംഗിയായി അനുഭവിപ്പിച്ചു.....

    ReplyDelete
  26. കഥയോ അതോ അനുഭവമോ എന്നെന്നിക്കറിയില്ല. രണ്ടായാലും നമ്മള്‍ കേട്ടും കണ്ടൂം മനസ്സ് മരവിപ്പിച്ച വിഷയം...അത് ഒന്നു കൂടി ഓര്‍മ്മപ്പെടുത്തിയതിനു അഭിനന്ദനം അര്‍ഹിക്കുന്നു.

    ReplyDelete
  27. കണ്മുന്നില്‍ കണ്ടിട്ടുണ്ട് ഈ ജീവിതങ്ങള്‍ ,ഇതിലും കഷ്ടതയേറിയ ജീവിതങ്ങള്‍ നമുക്ക് മുന്നില്‍ ഇല്ലേ ..ദൈവം തന്ന ജീവിതം ജീവിച്ചു തീര്‍ക്കുക ..പ്രയത്നം അത് തന്നെയാണ് ജീവിത വിജയം ..

    ReplyDelete
  28. കഥയാണോ അനുഭവമാണോ എന്ന് വീണ്ടും വീണ്ടും നോക്കി. ലേബല്‍ ഇല്ല. ഹൃദയ സ്പര്‍ശിയായി അവതരിപ്പിച്ചിരിക്കുന്നു.

    ReplyDelete
  29. കഥ ആയാലും അനുഭവം ആയാലും കണ്ണീര്‍ സീരിയല്‍ അവസാനിപ്പിക്കുന്നത് പോലെ കുറെ ഏറെ ചോദ്യങ്ങള്‍ നല്‍കിക്കൊണ്ട് സംഗതി സസ്പെന്‍സില്‍ പറഞ്ഞു നിര്‍ത്തി ..കൊച്ചുമോള്‍ കുറെ ഉത്തരങ്ങള്‍ പ്രതീക്ഷിക്കുന്നുണ്ട് :)
    നൂറോ നൂറ്റമ്പതോ ഉത്തരങ്ങള്‍ കിട്ടട്ടെ എന്ന് ആശംസിക്കുന്നു ..ഏറ്റവും നല്ല ഉത്തരത്തിനു സമ്മാനം വല്ലതും ഉണ്ടോ ?
    ഇതിനു മുന്‍പുള്ള മിക്ക പോസ്റ്റുകളിലും അവസാനം വായനക്കാര്‍ക്കായി ഇതുപോലെ ചോദ്യാവലി നല്‍കിയിരുന്നു ..:))

    ReplyDelete
    Replies
    1. രമേശേട്ടോ "ആണുങ്ങളെ ഇങ്ങനെ സ്ഥിരമായി കുറ്റപ്പെടുത്തിയാല്‍ മുട്ടുകാലു തല്ലി ഓടിക്കും" എന്ന് ഏട്ടന്‍ പണ്ട് പറഞ്ഞത് മറന്നിട്ടില്ല എന്ത് ചെയ്യാനാ വന്നു ചാടുന്നത് മൊത്തം ഇതുപോലുള്ളതായിപ്പോകുന്നു ....:))

      അവള്‍ക്ക് വ്യക്തമായ ഒരു മറുപടിനല്‍കാന്‍ ഇനിയും എനിക്കായിട്ടില്ല, നിങ്ങളുടെ നിര്‍ദ്ദേശങ്ങള്‍ അവളുടെ ജീവിതത്തില്‍ നല്ലൊരു വഴിത്തിരിവായാല്‍ , അതല്ലേ ഏറ്റവും വലിയ സമ്മാനം..?
      നിങ്ങളുടെ പ്രോത്സാഹനവും ,നിര്‍ദ്ദേശങ്ങളും എന്നോടൊപ്പമുണ്ടാവണം,
      -കുങ്കുമം

      Delete
  30. ഒരു കാലിക ദുരവസ്ഥ, ഒരുപാട് ജീവിതങ്ങള്‍ ഇത്തരം ചോദ്യങ്ങള്‍ക്ക് മറുപടി തേടുന്നുണ്ട്,അവസ്ഥ അനുഭവിക്കുന്നവര്‍ക്കെ അതിന്റെ യഥാര്‍ത്ഥകാരണം പൂര്‍ണ്ണമായി അറിയാനും മനസ്സിലാക്കാനുമാവൂ എന്നാണു എന്റെയൊരു തോന്നല്‍ ,കാര്യകാരണങ്ങള്‍ കണ്ടെത്തിസ്വയം ഉചിതമായൊരു തീരുമാനത്തില്‍ എത്തുക എന്നതാണ് കൂടുതല്‍ പ്രായോഗികമെന്ന് ഞാന്‍ കരുതുന്നു..

    ReplyDelete
  31. സാധാരണ സ്ത്രീകള്‍ പരിധി വിട്ടും ക്ഷമിച്ചു കാണാറുണ്ട്. അതു കൂടുതല്‍ വിഷമത്തിലേക്കേ നയിക്കൂ. ഇസ്മയില്‍ പറഞ്ഞ പോലെ അയല്‍ പക്കവും സ്വന്തക്കാരും അവള്‍ക്കു പിന്തുണ നല്‍കട്ടെ. സ്വന്തമായൊരു ജോലിയും. ഇതൊക്കെ കണ്ടിട്ടു അയാള്‍ നിലപാടു മാറ്റി തിരിച്ചു വരികയാണെങ്കില്‍ മാത്രം ഏതെങ്കിലും സാമൂഹ്യ സേവന സംഘടനകള്‍ മുഖേന അവര്‍ യോജിക്കട്ടെ....

    ReplyDelete
  32. അഭിപ്രായം പറഞ്ഞ എന്റെ എല്ലാ സുഹൃത്തുക്കള്‍ക്കും ഹൃദയം നിറഞ്ഞ നന്ദി ....ഇനിയും നിങ്ങളുടെ വിലയേറിയ അഭിപ്രായങ്ങള്‍ പ്രതീക്ഷിച്ചു കൊള്ളുന്നു ...!!
    ഇനിയും നിങ്ങളുടെ പ്രോത്സാഹനവും ,നിര്‍ദ്ദേശങ്ങളും എന്നോടൊപ്പമുണ്ടാവണം,
    -കുങ്കുമം

    ReplyDelete
  33. എന്താ കൊച്ചുമോളേ ഇപ്പോൾ അഭിപ്രായം പറയുക, അല്ലെങ്കിൽ എന്തിനേക്കുറിച്ചാണ് അഭിപ്രായം പറയേണ്ടത്...
    ബ്ലോഗിനെക്കുറിച്ചോ?
    അതിലെ സംഭവങ്ങളെക്കുറിച്ചോ?
    അതോ ബ്ലോഗിന്റെ അവസാനത്തിലെ ചോദ്യങ്ങളെക്കുറിച്ചോ ...?

    ReplyDelete
  34. ഇത് കഥയാണോ അനുഭവം ആണോ എന്നൊന്നും അറിയില്ല. എന്തായാലും എനിക്ക് നല്‍കാനുള്ള മറുപടി കേട്ടിയോനെ ഇനിയും അടുപ്പിക്കതിരിക്കുക എന്നത് തന്നെയാണ്. ശിഷ്ട്ടകാലമെന്കിലും സമാധാനത്തോടെ ജീവിക്കാന്‍ അതല്ലേ വഴിയുള്ളൂ. മക്കളും കൂട്ടിനുണ്ടല്ലോ ?????

    നാട്ടില്‍ പലയിടത്തും ഇത്തരം ഒറ്റപെട്ട സംഭവങ്ങള്‍ ഉണ്ട്. ഇന്നത്‌ ഒറ്റപ്പെട്ട സംഭവങ്ങള്‍ ആണെങ്കില്‍ ഇന്നത്തെ യുവ തലമുറയുടെ പോക്ക് കണ്ടാല്‍ നാളെ ഇതൊരു നിത്യകാഴ്ച ആയെക്കുമോ എന്ന്‌ ആശങ്കപെടെണ്ടതുണ്ട്. നാട്ടില്‍ മദ്യം അത്തരം ഒരു വിപത്തായി മാറാന്‍ തുടങ്ങിയിരിക്കുന്നു.

    ReplyDelete
  35. മെക്കാട് പണിക്ക് ഇപ്പോൾ 550 രൂപയാ....പണിയെടുത്ത് കടം വീട്ടാൻ പറയുക...പിന്നെ നല്ല കവിളി മടലെടുത്ത് അവന്റെ മുതുക് കുളമാകുന്ന രീതിക്ക് നലഞ്ച് ചാർത്ത് ചാർത്താൻ പറയുക

    ReplyDelete
  36. വായന ഒരു തീരാസങ്കടത്തില്‍ എത്തിയ്ക്കുകയാണല്ലൊ ന്റ്റെ സഖീ..
    ജീവിതങ്ങളും അനുഭവങ്ങളും വരികളിലൂടെ ദൃശ്യമാകുമ്പോള്‍ കണ്ടറിഞ്ഞ, കൊണ്ടറിഞ്ഞ വേദന..!

    ReplyDelete
  37. ജീവിതത്തില്‍ പകച്ച് പൊകുന്ന നിമിഷങ്ങളില്‍
    താലി കെട്ടിയവന്‍ പൊലും തള്ളി ഇറക്കുമ്പൊള്‍
    സ്വന്തം മക്കള്‍ക്ക് വേണ്ടി ജീവിതത്തിന്റെ
    പരുക്കന്‍ പ്രതലങ്ങളിലൂടെ മുന്നോട്ട് നീങ്ങി ..
    തൊണ്ട വളരുമ്പൊഴും മക്കള്‍ക്ക് അന്നം
    പകര്‍ന്ന് കൊടുത്ത് അവര്‍ വള്ര്ത്തി കൊണ്ടു
    വന്ന മക്കള്‍ ഇന്ന് പതിയേ മാറുന്നുവെങ്കില്‍
    അതു കാലത്തിന്റെ വിധിയെന്ന് പറയാം ..
    സ്നേഹത്തിന്റെ പുതു മണം അതും അച്ഛനില്‍
    നിന്നാകുമ്പൊള്‍ കുട്ടികള്‍ മാറി ഒഴുകും ,
    അവരെ കുറ്റം പറയുവതെങ്ങനെ ..
    കാലം കാര്യങ്ങള്‍ മനസ്സിലാക്കുവാന്‍ അവരെ പ്രാപ്തരാകട്ടെ ..

    ReplyDelete
  38. എല്ലാവരും പറഞ്ഞത് തന്നെ ഞാനും പറയുന്നു ..............അയാള്‍ക്ക്‌ നന്നാവാന്‍ ഒരവസരം കൂടി കൊടുത്തൂടെ ........നന്നായില്ലെങ്കില്‍ തൂകിയെടുത്തു അടുത്തുള്ള കനാലിലെരിയുക......

    ReplyDelete
  39. അയാളുടെ മനസ് മാറട്ടെ .. എല്ലാം ശുഭ പര്യവസാനിയാകട്ടെ..!!

    <>

    ReplyDelete
  40. ആദ്യ ദിനം തന്നെ വായിച്ചിരുന്നു...എന്താണ് പറയേണ്ടത് എന്നറിയാത്തത് കൊണ്ട് മുങ്ങിയതാ...ജീവിതാനുഭവങ്ങള്‍ ഏറെയുള്ള സീനിയേര്‍ ബ്ലോഗേര്‍സ് പറഞ്ഞത് പോലെ ചെയ്യുക...ഇതുപോലെ സാമൂഹിക പ്രസക്തിയുള്ള വിഷയങ്ങള്‍ കൈകാര്യം ചെയ്യുന്ന കൊച്ചുമോള്‍ക്ക് അഭിനദ്ധങ്ങള്‍.

    ReplyDelete
  41. ഇനി ഒരിക്കല്‍ കൂടി ഈ അവസ്ഥ വരാതിരിക്കാന്‍ ആ ഭര്‍ത്താവിനെ വേണ്ടെന്ന് തന്നെ വയ്ക്കുക.ഒപ്പം മക്കള്‍ മാറിചിന്തിക്കാനുള്ള പ്രേരണ എന്ത് എന്ന് കൂടി അന്വേഷിക്കുക.

    ReplyDelete
  42. ഉത്തരങ്ങള്‍ അറിഞ്ഞു കൂടാ .വിവരം കുറവാണ് ഒന്നാമത് ,രണ്ടാമത്തേത് ഏതു കാര്യത്തിന്റെയും ഉള്ളറ രഹസ്യങ്ങള്‍ കൂടി അറിയാതെ വിധി നിര്‍ണ്ണയിക്കുന്നത് തെറ്റ് ആണെന്ന് ഞാന്‍ കരുതുന്നു .എല്ലായിടത്തും ആണുങ്ങള്‍ മാത്രം ആണ് തെറ്റുകാര്‍ എന്നാ മുന്‍വിധി വേണോ ?

    ReplyDelete
  43. നല്ല കുറിപ്പ്. ഹൃദയം സ്പര്‍ശിച്ചു. ശുഭചിന്ത ആശംസിക്കാമല്ലേ?

    ReplyDelete
  44. ഇതു വെറുമൊരു കഥനമാണോ അതോ ശരിക്കുമൊരു കദനമാണോന്നു നിശ്ചയല്ല...
    മിക്കവാറും കദനം കഥനമാക്കിയതാവും..
    എന്തായാലും നാം ദിനേന കേള്‍ക്കുന്നതിന്റെ അല്ലെങ്കില്‍ കാണുന്നതിന്റെ മറ്റൊരു പതിപ്പ്‌..
    ആണൊരുത്തന്റെ അടുത്താണ് തെറ്റെന്കിലും ഒരു മുന്‍വിധിയോടെ വിധിക്കുന്നത് ശരിയല്ലല്ലോ..
    പെണ്ണൊരുത്തിയുടെ വിധിയെന്നു പറഞ്ഞു തള്ളാനും കൊള്ളില്ല..
    ഏതായാലും നമുക്ക് പ്രാര്‍ഥിക്കാം..
    കരിമ്പാറക്കല്ലുകളിലും പച്ചപ്പിന്റെ തളിര്‍ മുളപ്പിക്കുന്ന ദൈവത്തിനു ഒന്നുമല്ലാതൊരു മനുഷ്യന്‍റെ മനസ്സ് മാറ്റാന്‍ കഴിയില്ലേ..
    എന്റെ അഭിപ്രായം അയാള്‍ക്ക്‌ ഒരു അവസരം കൂടി നല്‍കുക..
    ജീവിതമല്ലേ,അത് സിഗരറ്റ് പോലെ എരിഞ്ഞു തീരുമ്പോഴെ ശരിക്കും ആസ്വദിക്കാനാകൂ..
    നല്ലത് മാത്രം വരട്ടെ ന്നു പ്രാര്‍ഥിക്കാം...

    കുങ്കുമപ്പൂവേ..
    നല്ല അവതരണം..
    ഹൃദയസ്പൃക്കായ കഥനം..
    ആശംസകള്‍..

    ReplyDelete
  45. ‘അവള്‍ പറഞ്ഞത്’ സത്യമാണെങ്കില്‍ ആ പെണ്ണിനെ സമ്മതിക്കണം..!
    ഇത്രയൊക്കെ പ്രതിബന്ധങ്ങളുണ്ടായിട്ടും അതിജീവിച്ചു മുന്നേറുന്നുണ്ടല്ലോ..!

    നന്നാകുമെന്നുറപ്പുണ്ടെങ്കില്‍ മാത്രം അങ്ങേരെ അടുപ്പിച്ചാല്‍ മതിയെന്നു തോന്നുന്നു.
    മക്കള്‍ കൂടി ‘കഥയിതുവരെ’ അറിഞ്ഞിരിക്കുന്നത് നല്ലതാണ്.
    പിന്നെ, അച്ഛനില്‍ അവര്‍ക്കുള്ള അവകാശം നിഷിദ്ധമല്ലെന്നും ഓര്‍ക്കുക.
    താല്‍പ്പര്യമെങ്കില്‍, ഉറ്റവരേയും ബന്ധുക്കളേയും ചേര്‍ത്ത് മാത്രം ഉചിതമായ തീരുമാനമെടുക്കുക.

    അവതരണം നന്നായിട്ടുണ്ട്,
    മറുപടികിട്ടാനുള്ള ആവേശം കൊണ്ടാണോ ഒറ്റഖണ്ഠികയില്‍ ,ശ്വാസംവിടാതെ പറഞ്ഞു തീര്‍ത്തത്..?ഇനിയും ശ്രദ്ധിക്കുമല്ലോ.
    ഇത്തരം പാവങ്ങള്‍ക്ക് ജോലിയും, ഉപദേശവും നല്‍കി,നല്ലപടി നയിക്കുവാന്‍ ഇനിയും കൊച്ചുമോള്‍ക്കാവതുണ്ടാകട്ടെയെന്ന് ആത്മാര്‍ത്ഥമായി പ്രാര്‍ത്ഥിക്കുന്നു.
    ആശംസകളോടെ..പുലരി

    ReplyDelete
  46. ഭർത്താവ്, അച്ഛൻ എന്നീ സ്ഥാനങ്ങളൊന്നും ഇപ്പോൾ കൊടുക്കേണ്ട. പുതിയൊരു വ്യക്തിയായി പരിഗണിക്കുക. ബന്ധങ്ങൾ പരിഗണിക്കാതെ വരുമ്പോൾ ആ മനുഷ്യനിൽ യഥാർത്ഥ നന്മയുണ്ടെങ്കിലല്ലാതെ ഉൾക്കൊള്ളാനിടയാവില്ല. ഉൾക്കൊള്ളണോ വേണ്ടയോ എന്ന് അപ്പോൾ അറിയാം. ഇപ്പോഴും ദുഃസ്വഭാവങ്ങൾ ഉള്ളതായാണ്‌ ലേഖനത്തിൽ നിന്നും മനസ്സിലാവുന്നത്. ഏതായാലും ആ സ്ത്രീക്ക് ഇപ്പോഴും അയാളെ ഉൾക്കൊള്ളാനാവില്ലെന്നുതന്നെയാണ്‌ മനസ്സിലാവുന്നത്. അയാൾ എന്തിനാണ്‌ വീണ്ടും വന്നതെന്നുമെല്ലാമുള്ള കാര്യങ്ങൾ മൂന്നാമതൊരാൾക്കേ ചോദിച്ച് മനസ്സിലാക്കാനാവൂ. സഹോദരന്മാർക്ക് സാധിച്ചേക്കും. ആദ്യം വിശ്വസിച്ചു, അപ്പോൾ അയാൾ മര്യാദയില്ലാതെ പെരുമാറി, വളരെ വർഷങ്ങൾക്കുശേഷം വീണ്ടും വന്നു. അപ്പോൾ സ്വീകരിക്കാനുള്ള മാനസികാവസ്ഥ ആ സ്ത്രീക്ക് ഉണ്ടായിരിക്കണമെന്നുമില്ല...പ്രായോഗികമായി എന്തുചെയ്യണമെന്ന് ചോദിച്ചാൽ...? എനിക്കറിയില്ല.

    സ്ത്രീധനം മാത്രം പ്രതീക്ഷിച്ചാണ്‌ പലരും വിവാഹം ചെയ്യുന്നത്. പ്രത്യേകിച്ചും സാമ്പത്തിക ഭദ്രതയില്ലാത്ത കുടുംബങ്ങളിൽ നിന്നുള്ള പുരുഷന്മാർ. ഇല്ലാത്ത പണമുണ്ടാക്കി പെൺമക്കളെ വിവാഹം കഴിപ്പിക്കുന്ന മാതാപിതാക്കളും, പെൺമക്കളെ ബാദ്ധ്യതയായിക്കണ്ട് വിവാഹം കഴിപ്പിച്ച് ഒഴിപ്പിക്കുന്നവരും ഒക്കെയുള്ള സമൂഹത്തിൽ വേണ്ടവിധം ആലോചിക്കാതെ വിവാഹം നടക്കുകയും ദുരിതത്തിലാവുകയും ചെയ്യുന്നു.

    ReplyDelete
  47. ഇത്രയും വര്‍ഷങ്ങളായിട്ടും അവള്‍ വേറെ വിവാഹം കഴിച്ചില്ലല്ലോ. അരുതാത്ത വഴികളിലൊന്നും പോയതുമില്ലല്ലോ. അത് അവളുടെ നന്മ.
    പിന്നെ, അയാളെക്കുറിച്ച്... അയാള്‍ ഏതു മാനസികാവസ്ഥയിലാണ് മടങ്ങിയെത്തിയതെന്ന് അറിയില്ല. ഏതായാലും അയാള്‍ കുട്ടികളുടെ അച്ഛനല്ലേ? ഒരുപക്ഷേ നന്മ നിറഞ്ഞ അവള്‍ തന്നെ അയാളുടെ ജീവിതപങ്കാളിയായത് ഈശ്വരഹിതമാവാം. അയാള്‍ നന്മയിലേക്ക് നയിക്കപ്പെടാന്‍ വേണ്ടി. തെറ്റു ചെയ്യാത്തവര്‍ ആരുണ്ട് ഈ ലോകത്തില്‍? വ്യക്തിത്വവൈകല്യങ്ങളുള്ളവര്‍ക്ക് മാനസിക ആരോഗ്യം വീണ്ടെടുക്കാന്‍ കൗണ്‍സലിംഗ് സഹായം ഇന്ന് ലഭ്യമാണ്. കൗണ്‍സലിംഗ് ഭ്രാന്തിനുള്ള ചികിത്സയല്ല. തെറ്റായി പ്രതികരിക്കുന്നവരെ ശാന്തമായി ചിന്തിച്ച് പ്രവര്‍ത്തിക്കാന്‍ സജ്ജരാക്കുന്ന ടെക്ക്‌നിക്കുകളാണ് കൗണ്‍സലിംഗില്‍ പ്രയോഗിക്കുന്നത്. എന്തായാലും വികാരപരമായ പ്രതികരണം ഗുണം ചെയ്യില്ല.
    ഇത്തരത്തില്‍ വേദനിപ്പിക്കുന്ന എത്രയെത്ര അനുഭവങ്ങള്‍ നമുക്കു ചുറ്റുമുണ്ട്! എന്റെ ബ്ലോഗില്‍ അത്തരം ചില അനുഭവങ്ങള്‍ ഞാന്‍ പങ്കുവച്ചിട്ടുണ്ട്. സന്ദര്‍ശിക്കുമല്ലോ. http://saumyadharsanam.blogspot.in/
    അലിവോടെ അങ്ങനെയുള്ളവരെ ഒന്നു കേള്‍ക്കുന്നതു തന്നെ വലിയ കാര്യമാണ്. കൊച്ചുമോള്‍ക്ക് അതു സാധിച്ചിരിക്കുന്നു. അതു തുടരുക.
    ആശംസകള്‍.

    ReplyDelete
  48. സങ്കെട പെടുത്തിയല്ലോ കൊച്ചു നീ
    ഈ പ്രക്രതി പല വിധത്തില്‍ ആണ് അത് പോലെ ആണ് മനുഷ്യരും പക്ഷെ ഇതില്‍ കൊച്ചു കാണാതെ പോയ ഒരു വശം കൂടി ഒരു പക്ഷെ കൊച്ചു വിലെ സ്ത്രീ ആ പക്ഷത്തെ മറച്ചു പിടിച്ചു ന്നു വേണം എങ്കില്‍ അയാള്‍ ആദ്യം നല്ലവന്‍ ആയിരുന്നു ഇപ്പോഴും അയാളുടെ മക്കള്‍ അയാളെ സ്നേഹിക്കുന്നു അപ്പോള്‍ പരിപൂര്‍ണ മായി ആഭാര്‍ത്തവിനെ നമ്മള്‍ കുട്ടപെടുത്തുന്നതിനു മുന്‍പ്‌ അല്ലെങ്കില്‍ ആ സ്ത്രീക്ക് സ്നേഹം തിരിച്ചു കിട്ടുന്നില്ല എന്ന് പറയുന്നതില്‍ ആ സ്ത്രീയുടെ ഭാഗത്ത് തന്നെ എന്തോ ഒരു കാരണം ഉണ്ട് കാരണം മക്കള്‍ക്ക് എന്നും അച്ഛനേക്കാളും വലുത് അമ്മയാണ് ആ അമ്മയെ ഉപദ്രവിക്കുന്ന താന്തോന്നി(?) ആയ അച്ഛനെ മക്കള്‍ സ്നേഹിക്കുന്നു വെങ്കില്‍ അതില്‍ എന്തോ ഇല്ലേ

    ReplyDelete
  49. വായിച്ച്‌ തീര്‍ന്നപ്പോള്‍ ഒരു നെടുവീര്‍പ്പിടേണ്‌ടി വന്നു കൊച്ചു, അവള്‍ എന്ത്‌ ചെയ്യണമെന്ന് ചോദ്യം വായനക്കരിലേക്കെറിഞ്ഞ്‌ കൊടുത്ത്‌ വായനക്കാരുടെ ഉള്ളം കലുങ്കഷമാക്കിക്കളഞ്ഞു... ആ കുട്ടികള്‍ക്ക്‌ സ്നേഹം മാത്രം കൊടുത്ത്‌ വളര്‍ത്തിയ ആ അമ്മയെ മനസ്സിലാക്കാനുള്ള പ്രായം അവര്‍ക്കായിട്ടില്ല. ഇനി അഥവാ അവര്‍ അച്ഛന്‌റെ കൂടെ പോയാലും അമ്മ നല്‍കിയ സ്നേഹം പില്‍ക്കാലത്ത്‌ മനസ്സിലാക്കി അമ്മയെ സംരക്ഷിക്കാന്‍ വരും... അല്ലെങ്കില്‍ ഈ സ്ത്രീ അനാവശ്യ ആധി വെച്ച്‌ പുലര്‍ത്തുന്നവളുമാകാം... സ്നേഹം മക്കള്‍ക്ക്‌ വാരിക്കോരി കൊടുക്കുക. സ്നേഹമുള്ളയിടത്ത്‌ നിന്ന് അതുപേക്ഷിച്ച്‌ ഒരാളും കൊച്ചു കുട്ടികള്‍ പോലും പോകില്ല...

    ReplyDelete
  50. ഇന്ന് നമ്മളില്‍ പലരും ശ്രദ്ധിക്കാതെ പോകുന്നവരില്‍ ഒരാള്‍ മാത്രം ഇവര്‍ ..
    കാലം മാറും യെന്നും ഒരു പോലെയവില്ലല്ലോ .. വിധിയുടെ ചലനങ്ങള്‍ എപ്പോഴാനു എന്നറിയാത്ത നമ്മള്‍ കാത്തിരിക്കുക തന്നെ വേണം .. അവസാനത്തെ ചോദ്യം ഒരു കൂര്‍ത്ത അമ്പു പോലെ തുളച്ചു കേറുന്ന ഒന്ന് തന്നെയാണ് കുങ്കു .. ആ സ്ത്രീയുടെ ക്ഷമയും , മനസ്സും സഹനത്തിന്റെ അങ്ങേ അറ്റത്തെ കാണിക്കുന്നു .. എല്ലാം കലങ്ങി തെളിയും പ്രാര്‍ഥിക്കാം .

    ReplyDelete
  51. ഒരിക്കല്‍ ആ മക്കള്‍ തിരിച്ചറിയുക തന്നെ ചെയ്യും ആ അമ്മയുടെ വേദന..
    ഉത്തരം പറയേണ്ടത് നാമല്ല, ആ മക്കള്‍ തന്നെയാണ്.. തീര്‍ച്ചയായും അമ്മയുടെ സ്നേഹം ഒരു അനുഗ്രഹമാണ്.. ആ അനുഗ്രഹം മനസിലാക്കാന്‍ പല മക്കള്‍ക്കും കഴിയുന്നില്ല എന്നതാണ് പരമ സത്യം.. :(

    ഹൃദയ സ്പര്‍ശിയായ അനുഭവ കഥ.. ഒരു നെടുവീര്‍പ്പോട് കൂടിയല്ലാതെ വായിച്ചു തീര്‍ക്കാന്‍ പറ്റില്ല..ഭാവുകങ്ങള്‍ സഹോദരീ..

    എന്‍റെ ബ്ലോഗ്ഗിലും ഒരമ്മയുടെ കണ്ണീരിന്റെ നനവ്‌ പടര്‍ന്നു കിടപ്പുണ്ട്..വായിക്കത്തവര്‍ക്ക് സ്വാഗതം.. അഭിപ്രായം അറിയിക്കുക,
    ആ മകന്‍റെ കരച്ചില്‍ കേട്ടപ്പോള്‍ ആ അമ്മ എന്ത് ചെയ്യുകയായിരിക്കും??
    http://www.kannurpassenger.blogspot.in/2012/05/blog-post_30.html

    ReplyDelete
  52. രണ്ടു വഴികളാണു മുന്നിൽ.

    ഒരു കുടുംബത്തിന്റെ താങ്ങായി അയാൾ നില്ക്കുമെങ്കിൽ അതനുവദിക്കുക. അല്ലെങ്കിൽ അടിച്ചു പുറത്താക്കുക.....

    എഴുത്തിൽ ജീവിതത്തിന്റെ പച്ചഗന്ധമുണ്ട്.

    ReplyDelete
  53. വല്ലാത്ത രോഷം തോന്നുന്നു. മക്കള്‍ വളര്‍ന്നു കാക്കക്കേടു കഴിഞ്ഞപ്പോള്‍ അടുത്തു കൂടിയ ആ അച്ഛനോട്. അയാളുടെ കൂടെ വീണ്ടും ചേര്‍ന്നാല്‍ ഇനിയും കണ്ണീരല്ലാതെ വേറൊന്നും ആ അമ്മക്ക് കിട്ടാനില്ല. മക്കളെ കാര്യം പറഞ്ഞു മനസ്സില്ലാക്കാന്‍ ബന്ധുക്കളുടെ സഹായവും തേടാമല്ലോ.വല്ലാതെ നൊമ്പരപ്പെടുത്തി ഈ പോസ്റ്റ്

    ReplyDelete
  54. വായിച്ചു .....നല്ലത് ...

    ReplyDelete
  55. അവള്‍ പറഞ്ഞതും പിന്നെ അന്‍പത്തേഴ് പേര്‍ പറഞ്ഞതും വായിച്ചു..!

    ReplyDelete
  56. സ്വന്തം കാലില്‍ നിന്ന്, പ്രശ്നങ്ങളെ അതിജീവിച്ച അവള്‍ എന്തിനു കരയണം? സ്വന്തം മക്കളെ പറഞ്ഞു മനസ്സിലാക്കാന്‍ കഴിയില്ലെന്നോ?

    ReplyDelete
  57. ഹൃദയ സ്പര്‍ശിയായി അവതരിപ്പിച്ച എഴുത്ത്

    ReplyDelete
  58. ഏതായാലും ഈ കാലത്ത് വീട്ടുജോലിക്ക് സഹായത്തിനു ആളെ കിട്ടുക വലിയ ബുദ്ധിമുട്ട് ആയതിനാല്‍. അവരെ വിടാതെ പിടിച്ചോളൂ എന്നേ എനിക്ക് പറയാനുള്ളൂ.:)

    ആര് എന്ത് പ്രധിവിധി പറഞ്ഞാലും അയാള് താലികെട്ടിയ ഭര്‍ത്തവാനെങ്കില്‍ തല്ല് സഹിക്കുകയെ തല്‍ക്കാലം നിവര്‍ത്തിയുള്ളൂ. ആയതിനാല്‍ തിരിച്ചു നല്ല മെതി മെതിക്കുവാന്‍ അവരെ കൊച്ചുമോള്‍ക്ക് ഉപദേശിക്കാവുന്നതാന്.:)

    നിയമപരമായി ബന്ധം വേര്പെടുത്തിയാലും പുള്ളി സമാധാനംകൊടുക്കുമോ എന്നുറപ്പില്ലാത്ത സ്ഥിതിക്ക് കോടി സുനിയുമായി ബന്ധപ്പെട്ടാല്‍ കാര്യങ്ങള്‍ ഏറെക്കുറെ തീരുമാനം ആക്കാം എന്ന് തോന്നുന്നു. :)

    ReplyDelete
  59. ഇങ്ങനെയൊക്കെ ആയിരിക്കും ഓരോരുത്തരുടെയും അനുഭവങ്ങള്‍ . നമുക്ക് നല്ലത് കേള്‍ക്കാന്‍ ആഗ്രഹിക്കാം, അതിനു വേണ്ടി പ്രാര്‍ത്ഥിക്കാം.

    ReplyDelete
  60. സങ്കടക്കടലില്‍ വെന്തുരുകിയിട്ടും ജീവിതത്തോണി തുഴയുന്ന അനേകരില്‍ ഒരുവള്‍ ... സ്വയം തുഴയാന്‍ കഴിഞ്ഞവള്‍ക്ക് ഇനിയും മുന്നോട്ടു പോകാന്‍ ഈശ്വരന്‍ കരുത്തു പകരും.

    ReplyDelete
  61. ദുഃഖങ്ങള്‍ ആപേക്ഷികമാണ്. എന്റെ ദുഃഖം വലിയ ദുഃഖം എന്നല്ലേ പോളിസി. ഇതുവരെ ജീവിതം മുന്നോട്ടു പോവനായിരുന്നെന്കില്‍ അയാള്‍ കൂടെകൂടിയാല്‍ അതാവാം.സഹതാപം കൊണ്ട് കാര്യമൊന്നുമില്ലല്ലോ. ഇത്രയൊക്കെ ആവാമെന്കില്‍ അവള്‍ തുടര്‍ന്നും ജീവിക്കും.

    ReplyDelete
  62. കൊച്ചുമോൾ... ഓരോ രചനയിലും ഹൃദയസ്പർശിയായ വിവരണങ്ങളുമായി എത്തുന്ന എഴുത്തുകാരിയ്ക്ക് പ്രത്യേക അഭിനന്ദനങ്ങൾ....കാരണം ഇത്തരം കാഴ്ചകളും അനുഭവങ്ങളും ഒരിയ്ക്കലെങ്കിലും അനുഭവിയ്ക്കാത്ത ഒരു വ്യക്തിയും ഭൂലോകത്തിലും, ബൂലോകത്തിലും ഉണ്ടാകുവാൻ ഇടയില്ല...പക്ഷേ, ഈ ദൃശ്യങ്ങളെ ഒരു ചോദ്യമായി സമൂഹത്തിന്റെ ചിന്തകളിലേയ്ക്ക് ഇട്ടുകൊടുക്കുന്നവർ അധികമില്ലെന്നത് വേദനിയ്പ്പിയ്ക്കുന്ന ഒരു യാഥാർത്ഥ്യവുമാണ്.. സമൂഹത്തോട് നിർവ്വഹിയ്ക്കുവാനുള്ള ആ കടമയാണ് എഴുത്തുകാരിയുടെ ഓരോ എഴുത്തിലും പലപ്പോഴും കാണുവാൻ സാധിയ്ക്കുക..ഇവിടെ എഴുത്തുകാരിയ്ക്കൊപ്പം ആ സ്ത്രീയും അഭിനന്ദനമർഹിയ്ക്കുന്നു... കാരണം ജീവിതയാഥാർത്ഥ്യങ്ങളോട് പൊരുതി നേടിയ ജീവിത വിജയം തന്നെ.... ഇപ്പോൾ അവിചാരിതമായി അനുഭവപ്പെടുന്ന വിഷമങ്ങളെയെല്ലാം എതിർത്ത് തോൽപ്പിച്ച്, മക്കളോടൊപ്പം നല്ല ഒരു ജീവിതം കെട്ടിപ്പെടുക്കുവാൻ അവർക്ക് സാധിയ്ക്കുമെന്ന് ഉറച്ച് വിശ്വസിയ്ക്കുന്നു.അതിനുള്ള കരുത്ത് ഈശ്വരൻ തീർച്ചയായും നൽകും.ഒപ്പം കൊച്ചുമോളുടെ ഈ ഉദ്യമവും പ്രചോദനമാകട്ടെ..
    ഒരിയ്ക്കൽകൂടി ഹൃദ്യമായ അഭിനന്ദനങ്ങൾ.

    ReplyDelete
  63. മക്കള്‍ അവള്‍ക്കു ജീവനാണ് , അവര്‍ അവളുടെ ശ്വാസമാണ് , അവള്‍ ജീവിച്ചിരിക്കുന്നത് തന്നെ അവര്‍ക്ക് വേണ്ടിയാണ്. എല്ലാ ദു:ഖങ്ങളും ഉള്ളിലൊതുക്കി,നീറുന്ന മനസ്സുമായി ജീവിക്കുന്ന ആ പാവത്തിനെ മനസ്സിലാക്കാന്‍ ആരുമില്ല , മക്കള്‍ പോലും..!.

    മനസ്സിനെ തൊടുന്ന കഥ...
    നന്നായിരിക്കുന്നു!!
    ആശംസകള്‍

    ReplyDelete
  64. ഇത്രയും ദുർഘടസന്ധിയിൽ കൂടി കടന്നു പോന്ന ഒരു സ്ത്രീ സോഫ്റ്റ് ആവില്ല ഇപ്പോൾ. ഈ വിഷയം നമ്മൾ വിചാരിക്കുന്നതിനേക്കാൾ ശക്തമായി കൈകാര്യം ചെയ്യാൻ അവർക്ക് സാധിക്കും..
    ഇതു പോലെ ഒരു പാട് സ്ത്രീകളുണ്ട് കേരളത്തിൽ.ചുറ്റുവട്ടങ്ങളിൽ കണ്ടിട്ടുണ്ട് ഒരു തെറ്റും ചെയ്യാതിരുന്നിട്ടും കഷ്ടത അനുഭവിക്കുന്നവർ... എന്തു ചെയ്യാൻ,അവർക്ക് മക്കളിലൂടെ ദൈവം ഐശ്വര്യം കൊടുക്കട്ടെ.
    പുതിയ തലമുറ കൂടുതലും അൽപ്പമൊക്കെ മദ്യപാനമുണ്ടെങ്കിലും സ്വന്തം കുടുംബം നോക്കുന്നവർ ആണെന്നു തോന്നുന്നു...

    ReplyDelete
  65. നന്നായിരിക്കുന്നു... മക്കൾക്ക് അതു തീരുമാനമെടുക്കാൻ കഴിയുന്നെകിലും അച്ചനെ നിലക്കു നിർത്താനും അവർ നോക്കിക്കോളും...
    നല്ല വായന നൽകി, നന്ദി

    ReplyDelete
  66. ഇങ്ങനെ ധാരാളം ഭാര്യമാരെ, അമ്മമാരെ ചുറ്റും കാണുന്നുണ്ട്. സ്വന്തം കാലില്‍ നില്ക്കാന്‍ കഴിയുന്ന ഒരു പെണ്ണിന് ഇങ്ങനെ ബാധ്യത മാത്രമാവുന്ന ഒരു പുരുഷന്‍ കൂടെ ഇല്ലാത്തതാണ് നല്ലത്.

    ReplyDelete
  67. ഇത് കഥയല്ല ജീവിതമാണ്.ഇതിനോടു സാമ്യമായ എത്രയോ കാഴ്ചകള്‍ നമ്മള്‍ ശ്രദ്ധിച്ചാല്‍
    നമ്മള്‍ നമുക്ക് ചുറ്റും കാണാന്‍ സാധിക്കുമെന്നോ! കെട്ടികൊണ്ട് വന്ന് കുറച്ചുനാള്‍ കഴിഞ്ഞ് പെണ്ണിനെ പണിയ്ക്ക് വിട്ട്‌ വീട്ടില്‍ചടഞ്ഞുകൂടി കഴിയുന്നവരുണ്ട്.പോര,വൈകീട്ട്
    അവര്‍ക്ക് പുറം ചെലവിനുള്ള കാശും കിട്ടണം.തിരിച്ചു വര്വ യീ പറഞ്ഞപോലെ തന്നെ.
    അങ്ങനെ എല്ലാം സഹിച്ച് മക്കളെ നല്ല പഠിപ്പിച്ച് നല്ല നിലയിലാക്കി ആ മക്കള്‍ വഴി
    ഭര്‍ത്താവ് മാനസാന്തരപ്പെടുകയും ഉത്തമ കുടുംബനാഥനായി മാറുകയും ചെയ്തത് കാണാന്‍ കഴിഞ്ഞിട്ടുണ്ട്.ചില സ്ത്രീകള്‍ വീട്ടുവേലയ്ക്ക് പോകുന്നുണ്ട് ദിവസക്കൂലിക്ക്.
    നിത്യം ഒരുവീട്ടിലല്ല.മാറിമാറി ഓരോ വീടുകളില്‍ ഊഴമനുസരിച്ച്.ന്യായമായ കൂലിയും
    കൊടുക്കും.എന്‍റെ വീട്ടില്‍ വന്നിരുന്ന ഒരു സ്ത്രീയുടെ കാര്യമാണ് മേലേഴുതിയത്.
    ഞാന്‍ ഇതുപറയാന്‍ കാരണം മക്കള്‍ക്കും,അമ്മയ്ക്കും കുടുംബനാഥനെ ഈ ഘട്ടത്തില്‍
    വേണ്ടതാണ്‌.മറ്റുള്ളവരുടെ മുമ്പില്‍ അപഹാസ്യരാകരുത്.ജീവിതം നീണ്ടു കിടക്കുകയാണ്.
    പഠിപ്പ്,ജോലി,വിവാഹം അങ്ങനെ..................അപ്പോള്‍ ?
    വെട്ടിമാറ്റാന്‍ വേഗം കഴിയും.മക്കളോടെല്ലാം തുറന്നുപറഞ്ഞ് സഹോദരരേയും മറ്റു
    വേണ്ടപ്പെട്ടവരെയും അറിയിച്ച് അവരുടെ സാന്നിധ്യത്തില്‍ നിര്‍ദ്ദേശപ്രകാരം തീരുമാനം
    എടുത്താല്‍ നന്നാവും.
    അതുപോലെ തന്നെ ശ്രീ.ബെന്‍ജി നെല്ലിക്കാലയുടെ അഭിപ്രായം തന്നെയാണ് എന്‍റെതും.
    ഹൃദ്യമായി രചന
    ആശംസകള്‍

    ReplyDelete
  68. കൊച്ചുമോള്‍ ആന്‍ഡ്‌ ഫ്രണ്ട്സ് ....
    എനിക്ക് പറയാനുള്ള കാര്യം സഗൌരവം കേള്‍ക്കണം.
    നമുക്ക് പിരിവെടുത്ത് ഒരു തുക സ്വരൂപിക്കാം.
    എല്ലാവരും സഹകരിക്കണം.
    എന്നിട്ട് ഒരു കൊട്ടേഷന്‍ കൊടുത്ത് അവനെ തീര്‍ക്കാം.

    (കയ്യും കാലും തള്ളിയൊടിച്ചാല്‍ കാര്യം ഇല്ല.
    ആ പാവം പഴയതെല്ലാം മറന്ന് അയാളെ ശിഷ്ട്ടകാലം നോക്കും. )

    ReplyDelete
  69. ഉത്തരം കിട്ടാത്ത ചോദ്യം ..!!

    ReplyDelete
  70. നീയാണ് ഈ അപ്പാപ്പന്റെ കൊച്ചുമോള്‍...

    ReplyDelete
  71. ചോര തിള പ്പിള്‍ ചെയ്തു കൂട്ടുന്ന കൊള്ള രുതായ്മക്ക് കാലം കണക്കു ചോദിക്ക തന്നെ ചെയ്യും.അത് ചിലപ്പോ നമുക്ക് താങ്ങാവുന്നതിലും അപ്പുറമായിരിക്കും.നമുക്ക് പശ്ചാതാപം തോന്നുമ്പോഴേക്കും സമയം അതിക്രമിച്ചു എന്ന യാഥാര്‍ത്ഥ്യം. നമ്മളില്‍ ഞെട്ടലോ? അതോ വിഭ്രാ ന്തിയോ?...... എന്തു ണ്ടാ യിട്ടും കാര്യമില്ലന്ന്‍ ഓര്‍ക്കുക........
    snehathode prarthanayode shamsu

    ReplyDelete
  72. ഹൃദയസ്പർശിയായ വിവരണങ്ങള്‍....

    ReplyDelete
  73. മക്കള്‍ക്ക് ബുദ്ധിയുറച്ചു കഴിഞ്ഞല്ലോ. അച്ഛന്‍ ചെയ്ത ദ്രോഹങ്ങള്‍ അവരെ പറഞ്ഞു മനസ്സിലാക്കുക. എന്നിട്ടും
    അയാളുടെ ഭാഗത്തേക്കാണ് കൂറ് കാട്ടുന്നതെങ്കില്‍ " നിങ്ങള്‍ അച്ഛനോടൊപ്പം കഴിഞ്ഞോ, ഇനി അമ്മയില്ല എന്ന് വിചാരിച്ചോളിന്‍ " എന്നു പറഞ്ഞു നോക്കട്ടെ. നിശ്ചയമായും ആ കുട്ടികള്‍ അമ്മയോടൊപ്പം നില്‍ക്കും. ഏതായാലും ആ മനുഷ്യനെ അടുപ്പിക്കരുത്.

    ReplyDelete
  74. പിതാവിന്‍റെ വാത്സല്യം കിട്ടാതെ വളര്‍ന്ന കുട്ടികള്‍ക്ക് ഇപ്പോള്‍ അത് കിട്ടുമ്പോള്‍ അവര്‍ കഴിഞ്ഞുപോയ കാലത്തെ കുറിച്ച് ഓര്‍ക്കാതെ, അച്ഛനെ സ്നേഹിക്കാന്‍ തയ്യാറായതാകും അവരുടെ മാറ്റത്തിന് കാരണം. ഒരുപക്ഷെ മക്കളുടെ അച്ഛനോടുള്ള ആ സമീപനം, ആ അച്ഛനില്‍ ഒരു മാറ്റത്തിന് കാരണമാക്കിയാലോ? ചെയ്തു പോയ തെറ്റ് മനസ്സിലാക്കി തിരുത്താനും, കുടുംബവുമൊത്ത് പുതിയൊരു ജീവിതത്തിനു ആ മനുഷ്യന്‍ ആഗ്രഹിക്കുന്നുവെങ്കില്‍, അതൊരു വലിയ കാര്യമല്ലേ? അതിനു അവസരം കൊടുക്കുന്നതായിരിക്കും ശരിയെന്നു എനിക്ക് തോന്നുന്നു.

    ReplyDelete
  75. അവന്റെ മുട്ടുകാല് തല്ലിയൊടിക്കാന്‍ ആ പെണ്ണിനോട് ഒന്ന് പറഞ്ഞു നോക്കൂ കൊച്ചുമോളെ, മുട്ട്ചിരട്ട തെറിക്കണം എന്ന് പ്രത്യേകം പറയണേ...

    ReplyDelete
  76. അവള്‍ എന്തിനു കരയണം? സ്വപ്രയത്നം കൊണ്ട് ഇവിടം വരെ എത്താമെങ്കില്‍ ഇനിയും മുന്നോട്ടു പോകാനുള്ള പ്രാപ്തി അവള്‍ നേടിക്കഴിഞ്ഞു എന്നല്ലേ അര്‍ത്ഥം?

    ReplyDelete
  77. വായിച്ചു ,
    ആ സഹോദരിക്ക്
    ജീവിതം മുന്നോട്ട് കൊണ്ടുപോകാനുള്ള മന കരുത്ത് ദൈവം നല്‍കട്ടെ

    ReplyDelete
  78. ഇത്രയും വരെ എത്തിയ ആ സഹോദരി തളരുന്നതെന്തിന്?? അവര്‍ക്ക് എല്ലാ ആശംസകളും നേരുന്നു.. കൊച്ചുമോള്‍ക്ക് കഴിയുന്ന സഹായവും ചെയ്തു കൊടുക്കുക..

    ReplyDelete
  79. ഇത്രയൊക്കെ ജീവിക്കാമെങ്കില്‍ പിന്നെന്താ ഇപ്പൊ ഒരു സന്ദേഹം...
    അത് മാത്രം മനസ്സിലാവുന്നില്ലാ ചേച്ചി...

    ഈ സ്ത്രീ പ്രശ്നങ്ങളെ നേരിടാന്‍ കാണിച്ച അസാമാന്യ തന്റേടം പ്രശംസനീയമാണ്....
    ഇപ്പൊ സ്വന്തം കാലില്‍ നില്‍ക്കാനുള്ള പ്രാപ്തിയായി കഴിഞ്ഞു...
    പിന്നെന്തിനു ഇങ്ങനെയൊരു കൂറ കെട്ടിയവനെ ചുമക്കണം....
    ചവിട്ടി ദൂരെയെറിയണം.. ഹല്ലാ പിന്നെ...

    ഇനി ചേച്ചിയുടെ എഴുത്തിനെ കുറിച്ച്...
    എന്നും സങ്കടകടല്‍ ആണ് എഴുതുന്നത്‌.... (ഞാനിതുവരെ വായിച്ചിട്ടുള്ള, കഴിഞ്ഞ മൂന്നു പോസ്റ്റുകളും ദുരന്തങ്ങളുടെ തുടര്‍ക്കഥയായിരുന്നു എന്നാ ഓര്‍മ്മയില്‍ പറയുന്നു.. )
    ഞങ്ങള്‍ സ്ഥിരം വായനക്കാര്‍ ഇടയ്ക്ക് ഇച്ചിരി സന്തോഷവും പ്രതീക്ഷിക്കുന്നുണ്ട് ട്ടോ....
    പിന്നെ ചോദ്യങ്ങള്‍ ചോദിച്ചു കൊണ്ടുള്ള അവസാനിപ്പിക്കല്‍ തുടര്‍ച്ചയായുള്ള പോസ്റ്റുകളില്‍ ആവര്‍ത്തിക്കുന്നത് അരോചകമാണ്...
    മറ്റു രചനാ സങ്കേതങ്ങള്‍ കണ്ടെത്തേണ്ടതുണ്ട് ചേച്ചി.....

    ഇതു തുറന്നു പറയാനുള്ള സ്വാതന്ത്രം ഈ അനിയനുണ്ട് എന്നുള്ള വിശ്വാസത്തോടെ...

    സ്നേഹപൂര്‍വ്വം
    സന്ദീപ്‌

    ReplyDelete
  80. വിഷമത്തോടെ വായിച്ചു.
    വേറൊന്നും പറയാന്‍ പറ്റുന്നില്ല.
    നല്ലൊരു ജീവിതം അവര്‍ക്ക് ഉണ്ടാവട്ടെ എന്ന് പ്രാര്‍ഥിക്കുന്നു --

    ReplyDelete
  81. കൂട്ടുകാരേ,
    കുങ്കുമം വായിച്ചു അഭിപ്രായം പറഞ്ഞവര്‍ക്കും , വായിച്ചവര്‍ക്കും ,എല്ലാവര്‍ക്കും എന്റെ ഹൃദയം നിറഞ്ഞ നന്ദി...!
    അവര്‍ക്ക് ഇപ്പോള്‍ ജീവിക്കാന്‍ വലിയ ബുദ്ധിമുട്ട് ഇല്ല ...!
    പക്ഷെ,മക്കളുടെ കാര്യങ്ങള്‍ ഒക്കെ അവരുടെ അച്ഛന്‍ നടത്തിക്കൊടുക്കുന്നു ...ആ അമ്മക്ക് അതിനുള്ള കഴിവില്ല എപ്പോഴും പണവും,ചോദിക്കുന്ന സാധനങ്ങളും അവരുടെ ഇഷ്ട്ടത്തിനുള്ള മൊബൈലും ,അങ്ങനെ അവരുടെ പ്രായത്തിലുള്ള കുട്ടികളെക്കാളും സ്വാതന്ത്ര്യം ഒക്കെ കൊടുക്കുന്ന അച്ഛനോട് സാധാരണ ആണ്‍ മക്കള്‍ കൂടുതല്‍ സ്നേഹം കാണിക്കില്ലേ അതാണ്‌ ഇവിടെയും സംഭവിച്ചത് ....! ആ അമ്മ പ്രാര്‍ഥിച്ചിട്ടു പഠിക്കൂ എന്ന് പറയുമ്പോള്‍ , കൂട്ടുകാരെയും വിളിച്ചു സിനിമയും കണ്ടു നടക്കാന്‍ കൊതിക്കുന്ന കുട്ടികള്‍ക്ക്, ആ സ്വാതന്ത്രം അച്ഛനില്‍ നിന്നും കിട്ടിയാല്‍ അവര്‍ പിന്നെ ആരെ സ്നേഹിക്കും? ,ആരെ അംഗീ കരിക്കും? ശ്ശെ! ഞാന്‍ വീണ്ടും ചോദ്യം ചോദിക്കാന്‍ തുടങ്ങി..! അവര്‍ക്ക് അവര്‍ വളര്‍ന്നു വന്ന സാഹചര്യം അറിയില്ല ..ഇപ്പോഴുള്ള സ്വാതന്ത്ര്യം ആണ് മക്കള്‍ നോക്കുന്നത് ..ആ അമ്മയുടെ സ്നേഹം ഇപ്പോള്‍ അവര്‍ തിരിച്ചറിയുന്നില്ല ...!
    അതാണ് ആ അമ്മയുടെ ദു;ഖവും.
    ചോദ്യങ്ങള്‍ ചോദിച്ചു കൊണ്ട് നിര്‍ത്തുന്നത് ശരിക്കും നിങ്ങളുടെ അഭിപ്രായങ്ങള്‍ അറിയാന്‍ വേണ്ടി മാത്രമാണ് എനിക്കൊരുതീരുമാനത്തിലെത്താന്‍ കഴിഞ്ഞെങ്കില്‍ ഞാനതവര്‍ക്ക് പകര്‍ന്നു കൊടുത്തേനേ...എന്റെ കണ്മുന്നില്‍ കാണുന്ന സത്യസന്ധമായ കാര്യങ്ങളാണിതൊക്കെ. നിങ്ങളുടെ അഭിപ്രായങ്ങള്‍ ഞാന്‍ ശരിക്കും ആഗ്രഹിക്കുന്നു ...അതുകൊണ്ട് മാത്രമാണ് ഞാന്‍ ചോദ്യത്തില്‍ കൊണ്ട് നിര്‍ത്തിയത് ...എന്റെ 'നൊമ്പരക്കാറ്റ്' എന്ന പോസ്റ്റില്‍ വളരെ പ്രയോജനപ്രദമായ മറുപടികള്‍ പലരും എനിക്കു തന്നു..മാത്രമല്ല മെയില്‍ വഴിയും എനിക്ക് അഭിപ്രായങ്ങള്‍ കിട്ടി ...അതില്‍ ഞാന്‍ഒത്തിരി സന്തോഷിക്കുന്നു....ഇത്തരം സംഭവങ്ങള്‍ എന്റെ കൂട്ടുകാരായ നിങ്ങളോട് പങ്കുവച്ച് നിങ്ങളുടെ അഭിപ്രായം അറിയുന്നതില്‍ ഞാന്‍ തെറ്റ് കണ്ടില്ല .... ഈ അഭിപ്രായങ്ങള്‍ ഏകീകരിച്ച് എനിക്കവരോടു സംസാരിക്കാന്‍ കഴിയുമല്ലോ, അതു വഴി അവര്‍ക്ക് എന്തെങ്കിലും സന്തോഷത്തിനു വകയുണ്ടായാല്‍ അവിടെ, എന്റെയീ എളിയ എഴുത്തിനു അര്‍ത്ഥമുണ്ടാകില്ലേ?..നിങ്ങളുടെ പലരുടേയും അഭിപ്രായങ്ങള്‍ക്കു മൂല്യമുണ്ടാകില്ലേ..??

    സ്നേഹപൂര്‍വ്വം
    കുങ്കുമം

    ReplyDelete
  82. ഹഹഹ !! ദാ വീണ്ടും ചോദ്യം..!!
    ഇതെന്താ കൊസ്റ്റ്യന്‍ ബാങ്കോ..?
    രണ്ടു ചോദ്യം ചോദിച്ചു നിര്‍ത്താതെ ങ്ങക്ക് ഉറക്കം വരൂല്ലേ കൊച്ചുമോളേ..?
    (ഞാനും ഒരു ചോദ്യത്തില്‍ നിര്‍ത്തി..!)

    ReplyDelete
    Replies
    1. പ്രഭേട്ടാ ഇതെവിടുന്നു വരുന്നു ? .....:)))))

      Delete
  83. ഇതു ഞാന്‍ എന്റെ സ്വന്തം ജീവിതത്തിലും അനുഭവിക്കുനതാണ്. കല്യാണം കഴിഞ്ഞു 12 വര്‍ഷമായി അതും ബന്തത്തില്‍ നിന്നും മുരചെരുക്കാന്‍. 10 വര്ഷം സുഗമായി ഒരു കുഴാപവും ഇല്ലാതെ ജീവിച്ചു. പ്രസവത്തിനായി നാട്ടില്‍ വന്നു. ഭര്‍ത്താവ് ബ്ലോഗ്‌ എഴുതാന്‍ തുടങ്ങി. ആരാതകരായി . ഫോണ്‍ വിളി ആയി, അങ്ങനെ ഒരു ബന്തം ഉണ്ടായി. അവര്‍ ബംഗ്ലോരിലും വിദേസതും ഒക്കെ പോയി ആഘോഷിക്കാന്‍ തുടങ്ങി, വെട്ടിലെ അവിസ്യത്തിനു പൈസ ചോതിച്ചാല്‍ സമ്പളം ഇല്ല കടമാണ് എന്നൊക്കെ പറയും . ഞാനും അതെല്ലാം വിശ്വസിച്ചു. ഈ അടുത്താണ് ഇതെല്ലാം അറിയുന്നത്, അയാളെ കുറിച്ച് അറിഉന്ന ആരും പറയില്ല എങ്ങനെ ഒക്കെ ചെയും എന്ന്. രണ്ടു മക്കളുട്. ഇപ്പോള്‍ അയാള്‍ ഞങളെ എല്ലാം ഉപേഷിച്ച മട്ടാണ്. രണ്ടു മാസം മുന്ന് നാട്ടില്‍ വന്നു, വീടുകരെല്ലാം ഉപദേശിച്ചു. ഇനി അങ്ങനെ ഒന്നും ഉണ്ടാവില്ല്ല കുട്ടികള്‍ക്കും കുടുംബത്തിനും വേണ്ടി ജീവിക്കാം എന്നെലാം പറഞ്ഞു പോയി.പോയ് ഒരാഴ്ച കസിഞ്ഞപോലെക്കും പണ്ടാതെലും കഷ്ടമായി , തീര്‍ത്തും വിളിക്കതായി, വീടുകാര് വിളിച്ചാല്‍ പോലും എടുക്കില്ല. ഭര്‍ത്താവിന്റെ വീടുകര്‍ പറയുന്നു അവന്‍ എല്ലാം മനസിലാക്കി തിരിച്ചു വരും. അതുവരെ കാത്തിരിക്കുക എന്ന്. ഇതിലെല്ലാം രസം അവള്‍ക്കും ഭര്‍ത്താവും കുട്ടികളും ഉണ്ട്. ഒരിക്കല്‍ അവളുടെ അമ്മയെ വിളിച്ചു ഞാന്‍ കാര്യങ്ങള്‍ പറയാന്‍ ശ്രമിച്ചു അപ്പോള്‍ ആ മാന്യ സ്ര്തീ പറഞ്ഞത് അവരുടെ മകളുടെ സന്തോസമാണ് അവരുടെയും, അവള്‍ക്കു എപ്പോള്‍ ഇയാളുടെ കൂടെ ജീവിക്കാനാണ് ഇഷ്ടം. നാളെ അത് മറൊരളുടെ കൂടെ ആയാലും ഞങ്ങള്‍ അത് സമ്മതിക്കും. എങ്ങനെയും അമ്മമാരുണ്ട് ലോകത്ത്. കൊച്ചു ചോതിച്ചതുപോലെ ഞാനും ചോതിക്കയാണ്. എല്ലാം ഞാന്‍ ഒരിക്കല്‍ ശമിക്കാന്‍ തയരയതാണ്. മനുഷ്യനായാല്‍ തെറ്റുപറ്റും അത് മടുള്ളവര്‍ പറയുംബോലെങ്ങിലും മനസില്ലകണ്ടേ?ഇതുകൊണ്ട് കുട്ടികള്‍കുണ്ടാവുന്ന വിഷമം എല്ലാം? ഇനി അങ്ങനെ ഒന്നും ഉണ്ടാവില്ല എന്ന് വിശ്വസിച്ചു ജോലിക്ക് പറഞ്ഞയച്ചതാണ്. എല്ലാം മനസിലാക്കി ഇനി അയാള്‍ തിരിച്ചുവന്നാല്‍ വേണ്ടും സ്വീകരിക്കണോ ?ഇനിയും അയാളെ വിശ്വസിക്കണോ?ഒരുപക്ഷെ ഈ കമന്റും അയാള്‍ വായിക്കമായിരിക്കാം. എനിക്കും ഒരു തീരുമാനത്തില്‍ എത്താന്‍ പറ്റുന്നില്ല ..

    ReplyDelete
  84. എന്തൊക്കെ കാഴ്ചകളാ അല്ലെ.
    കണ്ണ് നിരച്ചല്ലോ കൊച്ചുമോളെ.

    ReplyDelete
  85. ഡിയര്‍ കോച്ചുമോള്‍
    സൂപ്പര് റൈറ്റിങ്
    ഹൃദ്യം മനോഹരം
    note: എന്റെ ബ്ലോഗ് ഇതാണ് ലിങ്ക് http://naushadpoochakkannan.blogspot.com/

    ReplyDelete
  86. ഉത്തരങ്ങള്‍ തരാന്‍ ഇല്ലെങ്കിലും പോസ്റ്റ്‌ വല്ലാതെ നൊമ്പരപ്പെടുത്തുന്നു.
    എഴുത്തിനു വേണ്ടിയുള്ള എഴുത്തല്ലാതെ ഒരു ലക്ഷ്യത്തോടെ
    എഴുതാനുള്ള എഴുത്തുകാരിയുടെ മനസ്സിനെ നമിയ്ക്കുന്നു.

    ReplyDelete
  87. രചന കൊള്ളാം.. ഉത്തരമൊന്നും ഇല്ല..

    ReplyDelete
  88. കൊള്ളാം ചേച്ചി..നന്നായിട്ടുണ്ട്

    ReplyDelete
  89. ഈ പോസ്റ്റ് നേരത്തെ വായിച്ചിരുന്നു, കമന്റിടാന്‍ ശ്രമിച്ചപ്പോള്‍ പരാജയപ്പെട്ടു, പിന്നെ ഇപ്പഴാണ്‌ വരാന്‍ സാധിച്ചത്..

    കരളലിയിക്കുന്ന കഥ(ദ)നം .. എന്താണ്‌ മറുപടി പറയേണ്ടതെന്നറിയില്ല..'!

    ReplyDelete
  90. എല്ലാവരും മേലെ വളരെ വിശദമായ അഭിപ്രായങ്ങള്‍ രേഖപ്പെടുത്തിയിരിക്കുന്നതിനാല്‍ , ഞാന്‍ വീണ്ടും വിശദീകരണം ഈ വിഷയത്തില്‍ പറയുന്നില്ല. ഇത്തരം ആളുകള്‍ എന്‍റെ അറിവിലും ഒരുപാടുണ്ട്..

    എന്തയാലും നല്ല ലേഖനത്തിനു ആശംസകള്‍..,..വീണ്ടും വരാം ..

    ReplyDelete
  91. പോസ്റ്റ്‌ വായിച്ചു.
    കമന്റുകള്‍ അരിച്ചുപെറുക്കി വായിച്ചു.
    കണ്ണ് നിറഞ്ഞു.
    ചോദ്യങ്ങള്‍ നെഞ്ചില്‍ തറക്കുന്നു.
    ദൈവം ഒരുദ്ധേശമില്ലാതെ ഒന്നും ചെയ്യുന്നില്ല എന്നാശ്വസിക്കാം!

    ReplyDelete
  92. ഇവിടെഇപ്പോ പറയാന്‍ ഒന്നുമില്ലല്ലോ... എന്തായാലും ഒരു കതനകഥ വായിച്ചു ആ സ്ത്രീക്ക് ഒരു നല്ല ജോലി തരപെടുത്തി കൊടുക്കു

    ReplyDelete
  93. കുങ്കുമം വായിച്ചു അഭിപ്രായം പറഞ്ഞ എന്റെ എല്ലാ സുഹൃത്തുക്കള്‍ക്കും ഹൃദയം നിറഞ്ഞ നന്ദി അറിയിച്ചു കൊള്ളുന്നു ...നിങ്ങളുടെ സ്നേഹവും ,സഹകരണം ,ഇനിയും പ്രതീക്ഷിച്ചു കൊണ്ട് എല്ലാവര്‍ക്കും റമദാന്‍ ആശംസകളോടെ..
    സ്നേഹപൂര്‍വ്വം
    കുങ്കുമം

    ReplyDelete
  94. കുങ്കുമം,
    ഇവിടെയെത്താന്‍ അല്‍പ്പം വൈകി.
    ഹൃദയഹാരിയായി അവതരിപ്പിച്ചു
    പ്രതികൂല പരിതസ്ഥിതിയിലും
    തളരാതെ പിടിച്ചു നിന്ന അവള്‍
    ഒരു ധീര തന്നെ, വീണ്ടും അവളുടെ
    ജീവിതത്തിലേക്ക് പുതിയ കുരുക്കുകളുമായി
    വരുന്ന ആ ചപല മനുഷ്യനെ അകറ്റി നിര്‍ത്തുന്നത്
    തന്നെ അവള്‍ക്കും കുഞ്ഞുങ്ങള്‍ക്കും നല്ലത്,
    ആ തീരുമാനത്തില്‍ തന്നെ ഉറച്ചു നില്‍ക്കുന്ന
    അവള്‍ അഭിനന്ദനം അര്‍ഹിക്കുന്നു.
    മക്കളുടെ വ്യതിച്ചലനത്തെ പ്പറ്റി പറഞ്ഞു കണ്ടില്ല
    എങ്കിലും അവര്‍ ഇതുവരെ പുലര്‍ത്തിയ അമ്മക്കൊപ്പം
    നില്‍ക്കും, അതുറപ്പാണ് . :-)
    ഫിലിപ്പ് ഏരിയല്‍

    ReplyDelete
  95. ഹൃത്തിനെ സ്പർശിക്കുന്നു ഈ പോസ്റ്റ്‌.
    എല്ലാം ശുഭമാകട്ടെ എന്നാശംസിക്കുന്നു.

    ReplyDelete
  96. ജസ്റ്റ് മിസ്...
    101

    ReplyDelete
  97. എന്നിട്ടെന്തു ചെയ്യാന്‍ തീരുമാനിച്ചു ? :)

    ReplyDelete
    Replies
    1. ജിമ്മിയെ അടുത്ത പോസ്റ്റ്‌ ഇടാന്‍ തീരുമാനിച്ചു ...:)

      Delete
  98. 105 ആയി പോയെന്ന് എഴുതണോ.....
    നല്ല കഥ.. വായിച്ചപ്പോള്‍ ഒരു വിങ്ങല്‍. അധികം എഴുതാതെ തന്നെ ഒരു പാട് കാര്യങ്ങള്‍ വായനക്കാരിലേക്ക് എത്തിച്ചു....

    ReplyDelete
  99. ചോദ്യങ്ങള്‍ക്ക് ഉത്തരം കൊടുത്തു മടുത്തു. കുഞ്ഞു നാളില്‍ ഓരോരോ വികൃതികള്‍ കാണിക്കുമ്പോള്‍ വാപ്പ എന്നോട് ചോദിച്ചു നിനക്ക് നന്നാവാന്‍ ഉദ്ദേശമില്ലേ? അന്നെനിക്ക് മറുപടിയുണ്ടായിരുന്നില്ല. പിന്നീട് ഒന്നാം ക്ലാസ്സ്‌ മുതല്‍ തുടങ്ങി കേള്‍ക്കുന്നതാ ചോദ്യങ്ങള്‍? ഉത്തരം കിട്ടാത്ത ചോദ്യങ്ങള്‍.അനന്തമായ ചോദ്യങ്ങള്‍? പിന്നീട് ഉത്തരക്കടലാസ്സു വരുമ്പോള്‍ ഒറ്റയക്കത്തില്‍ മാര്‍ക്ക് കണ്ടത് മുതല്‍ ചോദ്യങ്ങളോട് വല്ലാത്ത അലര്‍ജി.പഠനകാലം കഴിഞ്ഞപ്പോഴെകിലും ഞാന്‍ ആശ്വസിച്ചു ഇനി ചോദ്യങ്ങള്‍ നേരിടേണ്ടി വരില്ലല്ലോ എന്ന് അപ്പോള്‍ ചേച്ചി വീണ്ടും ചോദ്യങ്ങള്‍ ചോദിക്കുന്നു.ഉത്തരമില്ലാത്ത ഒരു ചോദ്യത്തിന്നു മുന്നില്‍ക്കൂടി കീഴടങ്ങിക്കൊണ്ട് നിര്ത്തുന്നു.

    ReplyDelete
  100. ചില ചോദ്യങ്ങള്‍ക്ക് പെട്ടെന്ന് ഒരു ഉത്തരം പറയാനാവില്ല. അനുഭവത്തില്‍ നിന്നു നേടിയ കരുത്തുകൊണ്ട് ജീവിതത്തെ നിയന്ത്രിക്കാന്‍ അവള്‍ക്കാവും. ഭര്‍ത്താവിനെയും.

    ReplyDelete
  101. ജീവിതം ഇങ്ങനൊക്കെയാണ്.
    കൊതിച്ചതൊന്ന്; വിധിച്ചത് മറ്റൊന്ന്...
    കൂടുതൽ വായിക്കൂ;എഴുതൂ. ഭാവുകങ്ങൾ!

    ReplyDelete

  102. മറ്റുള്ളവരുടെ ഉപദേശം ഇത്തരം പ്രശ്നങ്ങളിൽ തേടുന്നത്‌ ശരിയല്ല. പലരും അവർക്കു തോന്നിയപോലെ പല വഴിയും പറയും. പ്രശ്നം കൂടുതൽ സങ്കീർണ്ണമായേക്കും. സ്വയം സാഹചര്യങ്ങൾക്ക്‌ അനുസരിച്ച്‌ നീങ്ങാൻ ഒരു സ്ത്രീക്ക്‌ കഴിയണം. ദൈവം സ്ത്രീക്ക്‌ ആ കഴിവ്‌ ജന്മനാ നൽകിയിട്ടുണ്ട്‌. നല്ല എഴുത്ത്‌. ആശംസകൾ

    ReplyDelete
  103. കുങ്കുമത്തിന്‍റെ പുതിയൊരു വായനക്കാരനാണ്. കമന്‍റ് ഇടുന്നതും ആദ്യമായി ...അവളുടെ സങ്കടം മനോഹരമായി അവതരിപ്പിച്ചിരിക്കുന്നു.നമ്മുടെ സമൂഹത്തില്‍ ഇതു പോലെ പ്രധിസന്ധികള്‍ നേരിടുന്ന സഹോദരിമാര്‍ ധാരാളം ഉണ്ട്.അവരുടെ വേദന കേള്‍ക്കാനുള്ള മനസ്സ്‌ നമുക്കുണ്ടാവണം.നൊമ്പരപ്പെടുത്തുന്ന ഈ കഥയിലെ സഹോദരിക്ക് ഉചിതമായ തീരുമാനമെടുക്കാന്‍ സാധിക്കട്ടെ.നല്ല രചനകളുടെ കൂട്ടുകാരിക്ക് ആശംസകള്‍.... നേര്‍ന്നു കൊള്ളുന്നു ...!

    ReplyDelete
  104. കുങ്കുമം വായിക്കുകയും വിലയേറിയ അഭിപ്രായം പറയുകയും ചെയ്ത ന്റെ പ്രിയ സുഹൃത്തുക്കള്‍ക്ക് എല്ലാവര്‍ക്കും ഹൃദയം നിറഞ്ഞ നന്ദി ...തുടര്‍ന്നും നിങ്ങളുടെ അഭിപ്രായങ്ങളും , സഹകരണവും പ്രതീക്ഷിച്ചു കൊണ്ട് എല്ലാര്‍ക്കും ഈദ്‌ മുബാറക്ക്‌ ..!

    ReplyDelete
  105. നിങ്ങളുടെയൊക്കെ ബ്ലോഗ്‌ രചനകള്‍ വായിച്ചു ഈ എളിയ ഞാനും ഒരു ബ്ലോഗ്‌ തുടങ്ങി..കഥകള്‍ക്ക് മാത്രമായി ഒരു ബ്ലോഗ്‌...അനുഗ്രഹാശിസുകള്‍ പ്രതീക്ഷിക്കുന്നു

    ReplyDelete
  106. പോസ്റ്റ് വായിച്ചു. ലേബലൊന്നും കാണാഞ്ഞതുകൊണ്ട് കഥയാണൊ അനുഭവാണോ എന്നറിയില്യ.
    രണ്ടാണെങ്കിലും എഴുത്ത് കൊള്ളാം. ഇഷ്ടപെട്ടു :)
    അതിലെ കഥാപാത്രത്തിന്‍‍റെ സ്ഥാനത്ത് നിന്ന് നോക്കിയാല്‍‍ വിഷമിപ്പിക്കുന്ന ചുറ്റുപാട് തന്നെ.
    പക്ഷെ ഒരു കാരണം കിട്ടിയിരുന്നെങ്കില്‍‍ ജീവിക്കാമായിരുന്നു എന്ന അവസ്ഥയിലുള്ള ചിലരെ കണ്ടിട്ടുള്ളതുകൊണ്ടാവാം അത്ര നിവൃത്തികേടിലാണെന്ന് തോന്നാത്തത്. ഒന്നുമില്ലെങ്കിലും സ്വന്തമായി അദ്ധ്വാനിച്ച് ജീവിക്കാന്‍‍ കഴിയുന്നുണ്ടല്ലൊ. പിന്നെ മക്കളും അച്ഛനും, വളര്‍‍ന്നുവരുമ്പോള്‍ ആളുടെ കപടമുഖം മനസ്സിലാക്കാന്‍‍ മക്കള്‍‍ക്കും കഴിഞ്ഞോളും. അമ്മ പറഞ്ഞ് അങനൊരു ധാരണ അച്ഛനെകുറിച്ച് ഉണ്ടാക്കി വക്കുന്നതിനേക്കാള്‍ നല്ലത് അവര്‍ സ്വയം മനസ്സിലാക്കട്ടെന്ന്. എല്ലാക്കാലവും ആരേം പറ്റിക്കാന്‍‍ കഴിയില്യ എന്നല്ലെ.
    അപ്പൊ ആള്‍‍ ദ ബെസ്റ്റെ :)

    ReplyDelete
  107. ഞാനിവിടെ എത്താന്‍ വൈകിയല്ലേ...?
    എന്തായലും മേല്‍ പറഞ്ഞ കാര്യത്തിന് ഇപ്പോള്‍ ഒരു തീരുമാനമായിട്ടുണ്ടാവും ല്ലേ..?
    ഇനീപ്പൊ ഞാന്‍ എന്ത് പറഞ്ഞിട്ടെന്താ..

    അതു കൊണ്ട് നല്ല എഴുത്ത് എന്ന് മാത്രം പറഞ്ഞുകൊള്ളട്ടെ..
    ഇനീം ഒരു പാട് എഴുതാന്‍ ആശംസ..

    ReplyDelete
  108. nannaayirikkunnu... sherikkum feel cheythu..... engane maarupadi parayanamennariyathe pakachu nilkaane enikkaakunnullu.....

    ReplyDelete
  109. കൊച്ചു മോളേ പുതിയ പോസ്റ് ഒന്നൂല്ല്യെ...?"ഓണാശംസകള്‍ !!"

    ReplyDelete
    Replies
    1. കുട്ടിക്കാ ഇതേലെ ആദ്യ കമന്റും, ഇപ്പോള്‍ അവസാന കമന്റും കുട്ടിക്കാടെ തന്നെ അതില്‍ വളരെ സന്തോഷം തോന്നുന്നു ...പുതിയ പോസ്റ്റ്‌ ഇപ്പോള്‍ പോസ്റ്റ്‌ ചെയ്യുന്നു ...

      Delete
  110. കുങ്കുമം വായിച്ചു അഭിപ്രായം പറഞ്ഞ എല്ലാ കൂട്ടുകാര്‍ക്കും ഹൃദയം നിറഞ്ഞ നന്ദി ...നിങ്ങളുടെ സഹകരണം ന്റെ "വേറിട്ട വേദനക്കും" പ്രതീക്ഷിച്ചു കൊള്ളുന്നു

    ReplyDelete
  111. kochu paranja karyangalodu njan poornamayum yojikunu........
    ingane ulla shacharyangalil matullavarude nallathaya abhiprayangal chilapol anthasayi jeevikunathinu oru prachothanam akarundu.apol kochu chothiyam chothikunathine namuku kuttam parayan sathikilla....
    athupole thanne ithil paranja matoru karyam koodi orthu pokunu......ithil paranjathu pole ulla sahacharyangalil makkale thangalku anukoolamakan achanmar cheyyuna oru karyamanu kuttikalku innathe kalathu etavum kooduthal thalparyam ulla mobile,laptop pinne avrude ishtathinu jeevikanulla panam etc kodukuka ennulathu.
    cherupam muthal kashtapetu valarthiya amayude snehathekal avarku valuthu achan kodukuna panavum athu pole ulla vasthukalum ayi pokunu.aa makkal maranu pokuna onnundu avare orthu ennum neeri neeri kazhiyuna aa ammayude sneham.
    kalam sakshi. undakum theerchayayum undakum,aa snehathinte vila thirichariyuna oru divasam avante jeevithathil undakathe irikilla.......
    paranja kootathil orthu poyathanu, enikum ariyam ithupole oru ammaye....ellam nashtapetu, opam jeevanu thulayam snehicha makanum....makan jeevanodu koodi undengilum panathinte mel parunthum parakilla ennanallo..achante panathinopam jeevikuna makan...avane orthu ennum kannerode kazhiyuna orammayum.....athu kondu kochuvinte parayasam eniku manasilakum.dhyvam nallathu varuthate enna prarthanayode nirthunu.......(hisham)

    ReplyDelete
  112. ഓരോരോ സാഹചര്യങ്ങള്‍ ചിലതെല്ലാം മറക്കാന്‍ പ്രേരിപ്പിക്കും. അനുഭവങ്ങളുടെ തിക്തത ശരിയായ രീതിയില്‍ ചിന്തിക്കാന്‍ അവരെ പ്രാപ്തയാക്കും എന്ന് വിശ്വസിക്കുന്നു. ഒരു വിങ്ങലോടെ....

    ReplyDelete
  113. കൊതിച്ച പോലെ ഒരിക്കലും ജീവിതം കിട്ടില്ലല്ലോ എല്ലാം വിധിച്ചതുപോലെയല്ലെ വരൂ അല്ലെ കുങ്കുമം... നന്നായി അവതരിപ്പിച്ചിരിക്കുന്നൂ കേട്ടൊ കൊച്ചുമോൾ

    ReplyDelete
  114. Pakshe makkalude manassilninnum ingane oru ilakkam undaakaanulla saadhyatha valare kuravaanu.
    Bhaaryakkillaatha aa anukampa makkalkkundaavumo?
    Exceptional case aavum, lle?

    ReplyDelete
  115. വായിച്ചു...

    ഇപ്പോൾ എന്തായി ആ ചേച്ചിയുടെ അവസ്ഥ????

    ReplyDelete

Related Posts Plugin for WordPress, Blogger...