Saturday, March 31, 2012

"നൊമ്പരക്കാറ്റ്"








കുഞ്ഞേല അങ്ങിനെയാണ്.

ഓരോ ദിവസവും അവര്‍ക്ക് പറയാന്‍ ഓരോരോ കഥകളുണ്ടാവും. ആവശ്യമുള്ളതും ഇല്ലാത്തതുമായ കഥകള്‍ പൊടിപ്പും തൊങ്ങലും വച്ചു പറയുക അവരുടെ ശീലമാണ് . വര്‍ഷങ്ങളായി വീട്ടിലെ സഹായിയാണവർ.  കൃത്യമായെത്തുകയും
ആത്മാര്‍ഥമായി ജോലിചെയ്യുകയും ചെയ്തിരുന്ന അവര്‍,  അവരുടെ അമ്മയുടെ മരണം കാരണം കുറെ ദിവസം വരാതായി.  ചടങ്ങുകള്‍ ഒക്കെ കഴിഞ്ഞു തിരികെ ജോലിക്ക് വന്നപ്പോഴും അവര്‍ക്കു പറയാന്‍ ഏറെയുണ്ടായിരുന്നു.                                     
അവരുടെ അമ്മയുടെ മരണവും അതിനു ശേഷമുള്ള ചടങ്ങുകളുമായിരുന്നു.  കുഞ്ഞേലവിവരിച്ചത്. അവരുടെ പുരോഹിതര്‍മാരെ ‘ഊരാളിമാര്‍ ‘എന്നാണത്രേ വിളിക്കുക.  ചടങ്ങിന് ഒരു കളം വരച്ച് കള്ള്മുറുക്കാന്‍ മുതലായവ  വച്ച് അതിനു ചുറ്റും ബന്ധുക്കള്‍ ഇരിക്കും.  പൂജ തുടങ്ങി കുറച്ചു കഴിയുമ്പോള്‍ മരണപ്പെട്ട ആള്‍ക്ക് ഏറെ ഇഷ്ടമുള്ള ആളുടെ ദേഹത്ത് ആ ആത്മാവ് കൂടും പോലും..! അപകടമരണമോ മറ്റോ ആണെങ്കില്‍ എങ്ങിനെ മരിച്ചെന്നു പോലും ആ ‘ആത്മാവ് ‘ പറയുമത്രേ!!. സംസാരിച്ചില്ലെങ്കില്‍ ഊരാളിമാര്‍ ആ ആളെ  അടിച്ചു വേദനിപ്പിക്കും. ആത്മാവ് കയറിയ ശരീരമാണെങ്കില്‍ അവര്‍ക്ക് എത്ര അടി കിട്ടിയാലും വേദനിക്കില്ല പകരം അഭിനയമാണെങ്കില്‍ വേദന കൊണ്ട് പുളയുമത്രേ.  ഇതൊക്കെ കഴിഞ്ഞു  കമ്പ് കൊണ്ടടിച്ചു തൊടിയിലെ വാഴകൈ ഒടിക്കുംപിന്നീടു  ചന്ദനമുട്ടിയില്‍ ആത്മാവിനെ ആവാഹിച്ചു ഏതെങ്കിലും അമ്പലത്തില്‍ കൊണ്ടുപോയി കുടിയിരുത്തും.  ഈ കര്‍മ്മം നടത്തിയില്ലങ്കില്‍ ആത്മാവ് അലഞ്ഞു നടക്കുമെന്ന് അവരുടെ വിശ്വാസം. ചടങ്ങിനു ശേഷംവീട്ടിലുള്ളവര്‍   ഉപ്പൊഴിക്കാത്ത  കഞ്ഞി പച്ച പ്ലാവിലയില്‍ കോരി  കുടിക്കും..! ഇത്തരം ആചാരങ്ങളും പൂജകളും എനിക്ക് ഒരു പുതിയ അറിവായിരുന്നു..!

ഇവിടെ ഇത്   പറയാന്‍ ഒരു കാരണമുണ്ട് വളരെ നാളുകള്‍ക്കു ശേഷം ഞാന്‍ ഒരു ബന്ധുവിന്റെ വീട് സന്ദര്‍ശിക്കാന്‍ ഇടയായി.  ഒരുപാട് കാര്യങ്ങള്‍ പറഞ്ഞു ചിരിച്ചും കളിച്ചും കുട്ടികളും ഞങ്ങളും സമയം തള്ളിനീക്കി. യാദൃശ്ചികമായിട്ടാണ് വിഷമം നിറഞ്ഞ ഒരു സംഭവം അവര്‍  എന്നോടു പറഞ്ഞത്. അന്ധവിശ്വാസവും അനാചാരങ്ങളും ഒരുപാട് കാണുകയും കേള്‍ക്കുകയും ചെയ്യുന്നു. ചിലവ സത്യമോമിഥ്യയോ എന്ന് തിരിച്ചറിയാന്‍ തന്നെ സാധിക്കുന്നില്ല ‘ഞൊടിയിടയില്‍ തീരുന്ന ജീവിതം. അത് അവസാനിക്കുന്നതിനു മുമ്പ് പ്രപഞ്ച സത്യത്തിന്റെ ഒരു തരിയെങ്കിലും കണ്ടെത്താന്‍ ശ്രമിച്ചാല്‍ അത് നല്ലതല്ലേ.
                        
അവരുടെ അയല്‍വീട്ടിലെ,വളരെ മിടുക്കനായ കുട്ടിഎട്ടാം ക്ലാസുകാരന്‍.  കാണാന്‍ സുന്ദരന്‍,നല്ല സ്വഭാവംകൂടെ പഠിക്കുന്ന കൂട്ടുകാരുടെ ഇഷ്ട തോഴന്‍,ടീച്ചര്‍മാരുടെ പ്രിയങ്കരന്‍എന്തിനും ഏതിനും ഒന്നാമന്‍സ്കൂളിന്റെ അഭിമാനം. പെട്ടെന്നൊരു ദിവസം ആ കുട്ടി മുതിര്‍ന്നവരെ പോലെ സംസാരിക്കുന്നു ..! ആദ്യം വീട്ടുകാര്‍ കരുതി മോണോആക്ട്‌ കാണിക്കുകയായിരിക്കും എന്ന്. കുട്ടിയുടെ സ്വഭാവത്തിനു വല്ലാത്ത മാറ്റം സംഭവിച്ചിരിക്കുന്നു എന്ന് പിന്നീട് മനസ്സിലായി. പുറത്ത് ആരും അറിയുന്നതിനു മുന്നേ അവര്‍ ഒരു മനോരോഗവിദഗ്ദ്ധനെ കാണിച്ചു. മാനസികമായി ഒരു തകരാറും ഇല്ല ഈ കുട്ടിക്ക് എന്ന് ഡോക്ടര്‍മാര്‍ പറയുന്നു വാര്‍ത്ത പതിയെ നാട്ടില്‍ പരന്നു. പലരും പല രീതിയില്‍  അത് വ്യാഖ്യാനിച്ചു .

കഴിവുപോലെ ചെയ്യാവുന്ന ചികിത്സകളൊക്കെ ചെയ്തു ,പള്ളികളില്‍ കയറിയിറങ്ങിഅമ്പലങ്ങളില്‍ വഴിപാടുകള്‍ കഴിച്ചു ഒരു കുറവും ഉണ്ടായില്ല. ഒരിക്കല്‍ അവരുടെ വീട്ടില്‍ വച്ച് ഒരു വലിയ പൂജ നടത്തി. ആ പൂജയുടെ അവസാനം അവനെ പൂജാരി ഒരുപാട് അടിച്ചു. അടിക്കുംതോറും  അവന്‍ അട്ടഹസിച്ചു ചിരിച്ചു കൊണ്ടേയിരുന്നു ലക്ഷങ്ങള്‍ മുടക്കി പൂജകളും വഴിപാടുകളും തുടര്‍ന്നു. ഒടുവില്‍ അവന്‍ ആരോടും മിണ്ടാതെയായി.  പിന്നെ എല്ലാരെയും തെറി പറയാന്‍ തുടങ്ങി,അക്രമിയായി..! ആരെ കണ്ടാലും തെറിപറയുന്നതില്‍ നാണക്കേട് തോന്നി പൂജാരി അവന്‍റെ നാവിന് കെട്ടിട്ടത്രെ!  അതിനു ശേഷം ആ കുട്ടി സംസാരിച്ചിട്ടില്ല. ചികില്‍സയുടെ ഭാഗമായി അവര്‍ താമസിച്ച വീട് വിട്ട് വേറെ വീട്ടില്‍ താമസം തുടങ്ങി. കുറേ നാളുകൾ കൊണ്ട്  അവന്റെ അസുഖം കുറേശ്ശേ മാറി വന്നു.  വീണ്ടും അവന്‍ ചുറുചുറുക്കുള്ള പഴയ കുട്ടിയായി മാറി. അവന്‍ സ്കൂളില്‍ തിരിച്ചെത്തിയപ്പോള്‍ കുട്ടികള്‍ അവനെ ഭ്രാന്തനെന്നു വിളിച്ചു കളിയാക്കി. ആ വിഷമം  മനസ്സിലാക്കി മാതാപിതാക്കള്‍ അവനെ വേറെ സ്കൂളിലാക്കിഅവന്‍ വീണ്ടും പഠിത്തത്തില്‍ മുഴുകി. വീട്ടുകാരും നാട്ടുകാരുംഅവനെ സ്നേഹിച്ച എല്ലാവരും സന്തോഷിച്ചു. അവനു വീണ്ടും പുതുജീവന്‍ കിട്ടിയിരിക്കുന്നു.  ചുറുചുറുക്കുള്ളഎവിടെയും ഒന്നാമനായ മിടുക്കനായ കുട്ടിയായി അവന്‍ ..!!
                                 
വര്‍ഷാവസാനപ്പരീക്ഷ തുടങ്ങുന്ന ദിവസം പതിവില്ലാതെ അവന്‍ ഉണരാത്തതെന്തെന്നു തിരക്കിച്ചെന്ന മാതാവിനു മുന്നില്‍ അവന്‍ വീണ്ടും  അലറി വിളിച്ചു..! അതെ ..!  വീണ്ടും അവന്‍റെ മനസ്സിന്‍റെ താളം തെറ്റുന്നു..!വിധി അവനെ ജീവിക്കാന്‍ അനുവദിക്കുന്നില്ല. 

ഇത്ര ചെറുപ്പത്തിലെ ഇതിനു തക്ക പാപം എന്താണവന്‍ ചെയ്തത്..അവന്‍റെ വിദ്യാഭ്യാസം നിലച്ചു.  ആ കുടുംബം വീണ്ടും ദു:ഖത്തിന്‍റെ നീര്‍ചുഴിയിലേക്കു പതിക്കുന്നു..!! അവന്‍റെ ഭാവി ഇനി എന്താകും ? ആ മാതാപിതാക്കളുടെ ദീനമായ നോട്ടം വല്ലാത്ത നൊമ്പരമായി എന്റെ മനസ്സില്‍  ഇപ്പോഴും തങ്ങി നില്‍ക്കുന്നു. ആ കുട്ടിയുടെ ചേഷ്ഠകള്‍ കണ്ടുനില്‍ക്കാന്‍ മനുഷ്യത്വമുള്ളവര്‍‍ക്കാവില്ല..സ്വന്തം കണ്ണുനീര്‍ അകറ്റാന്‍ മറ്റൊരാളുടെ കണ്ണുനീര്‍ തുടച്ചാല്‍ മതി എന്നല്ലേ. ആര്‍ക്കെങ്കിലും സഹായിക്കാന്‍ പറ്റുമോ ഈ കുട്ടിയെ ? ഇതിന് എന്തെങ്കിലും പ്രതിവിധിയുണ്ടോ ?

ഈ നൊമ്പരക്കാറ്റു നല്‍കിയ വേദനയുമായി കുങ്കുമം..





137 comments:

  1. ഈ നൊമ്പരക്കാറ്റു നല്‍കിയ വേദനയുമായി കുങ്കുമം..

    ReplyDelete
  2. ഇതു വായിച്ച് തകർന്നു പോകുന്നുവല്ലോ. കുട്ടിയ്ക്ക് വിദ്ഗദ്ധ പരിചരണവും ചിലപ്പോൾ കൃത്യമായ ചികിത്സയും കിട്ടിയാൽ രക്ഷപ്പെടുത്താനാകുമോ? ഈ പോസ്റ്റ് കൂടുതൽ പേരിലേയ്ക്ക് എത്തിയ്ക്കാൻ ശ്രമിയ്ക്കാം.

    ReplyDelete
  3. ഈ കുട്ടിയുടെ കഥ ശരിക്കും മനസ്സില്‍ നൊമ്പരമുണ്ടാക്കി കേട്ടോ. ഒരിക്കല്‍ മനസ്സിന്റെ സമനില്‍ ഒന്ന് തെറ്റിപ്പോയാല്‍ പിന്നെ സ്വയബുദ്ധിയിലേക്ക് തിരുച്ചു വന്നാലും ആളുകള്‍ വട്ടാണെന്ന് കളിയാക്കി അവരെ മടക്കി അയക്കും. സമൂഹം പലപ്പോഴും ഇത്തരം ആളുകളോട് ചെയ്യുന്ന ക്രൂരതയാണ് ഇതു. ഒന്നുകില്‍ അമിതമായ സഹതാപം കാണിക്കും. അല്ലെങ്കില്‍ കളിയാക്കും. ഇതൊക്കെ മതി വീണ്ടും മനസ്സിന്റെ താളം തെറ്റിക്കാന്‍. ഈ കുട്ടി വിദഗ്ദ ചികിത്സയിലൂടെ സുഖം പ്രാപിക്കും എന്നും നമുക്കാശിക്കാം. പ്രാര്‍ഥിക്കാം.

    ReplyDelete
  4. ആ കുടുംബത്തിന്‍റെ വേദനകള്‍ ശരിക്കും ആവഹിചെഴുതിയിരിക്കുന്നു.

    ReplyDelete
  5. മനുഷ്യ മനസ്സല്ലേ, ഇടറാന്‍ നിമിഷങ്ങള്‍ മതി, അതിനൊരു ഉദാഹരണം ആണോ ഞാന്‍ ഇപ്പോള്‍ വായിച്ചത്...!
    സങ്കടം തോന്നി, ഒപ്പം ആ കുട്ടിക്ക് വേണ്ടി പ്രാര്‍ഥിക്കുന്നു!

    ReplyDelete
  6. ഇത് പോലെ ഉള്ള അനാചാരങ്ങള്‍ ഇപ്പോഴും ഉണ്ടോ എന്ന് ചോദിക്കുന്നവര്‍ തന്നെ ആവും ഇത് പോലെ ഉള്ളതിന് അടിമപ്പെടുന്നത്
    മകന്റെ രോഗം ഇതു വിധേയനെയും മാറാന്‍ വേണ്ടി ഇതു അറ്റം വരെ പോവാന്‍ അവര്‍ തയ്യാറാവും എന്നതിന്റെ ഉത്തമ ഉദാഹരണം ആണ് ...

    ആ കുട്ടിരക്ഷപ്പെടട്ടെ എന്ന് പ്രാര്‍ഥിക്കുന്നു .

    ReplyDelete
  7. ആ കുട്ടിക്ക് അവന്‍റെ ജീവിതത്തിന്‍റെ താളം തിരിച്ച് കിട്ടട്ടെ എന്ന് പ്രാര്‍ഥിക്കുന്നു.

    ReplyDelete
  8. ജീവിതത്തില്‍ എന്തെല്ലാം കാഴ്ച്ചകള്‍ ...പ്രാര്‍ഥിക്കുക

    ReplyDelete
  9. നോവായി മാറിയ പോസ്റ്റ്‌. കുട്ടിയുടെ അസുഖം മാറട്ടെ എന്ന് പ്രാര്‍ഥിക്കുന്നു..

    ReplyDelete
  10. നൊമ്പരക്കാറ്റു തന്നെ,
    പ്രാര്‍ത്ഥനയോടെ,

    ReplyDelete
  11. വേദനന്യ്ക്കുന്നൂ...പ്രാര്‍ത്ഥനകള്‍...!

    ReplyDelete
  12. This comment has been removed by the author.

    ReplyDelete
    Replies
    1. പോസ്റ്റ്‌ വായിക്കാതെയാണ്‌ ഞാന്‍ മുമ്പത്തെ കമെന്‌റ്‌ ഇട്ടത്‌, പിന്നീട്‌ വായിക്കാമെന്നും പറഞ്ഞിരുന്നു.... ഇത്തരത്തില്‍ മനസ്സിനെ വേദനിപ്പിക്കുന്ന ഒരു പോസ്റ്റായിരുന്നെങ്കില്‍ ഞാന്‍ ആ കമെന്‌റ്‌ ഇടുമായിരുന്നില്ല... (ഹഹഹ എന്ന് തുടങ്ങുന്ന എന്‌റെ കമെന്‌റ്‌ ഇട്ടത്‌ ഞാന്‍ ഡിലീറ്റാക്കുന്നു. ചിലപ്പോള്‍ മറ്റുള്ളവര്‍ തെറ്റിദ്ധരിക്കാന്‍ സാധ്യതയുണ്‌ട്‌) മനസിന്‌ താളം തെറ്റിത്തുടങ്ങിയാല്‍ ഒരു മനശ്ശാസ്ത്രത്തിനും പിന്നെ രക്ഷിക്കാന്‍ കഴിയില്ല, അഥവ രക്ഷിച്ചാല്‍ തന്നെ അക്ബരിക്ക പറഞ്ഞ പോലെ നമ്മുടെ സമൂഹം അവരെ വീണ്‌ടും ആ രീതിയിലേക്കെത്തിക്കും... ആ പയ്യന്‌റെ രോഗം ഭേദമാകട്ടെ എന്ന് പ്രാര്‍ത്ഥിക്കുന്നു. അന്ധവിശ്വാസങ്ങളുമായി കഴിയുന്ന സമൂഹം ലോകത്തിന്‌റെ പല ഭാഗത്തുമുണ്‌ട്‌ എന്ന് ഈ ലേഖനത്തിന്‌റെ ആദ്യത്തെ പാരഗ്രാഫുകള്‍ക്കുള്ള കമെന്‌റ്‌... വ്യത്യസ്ഥ സംസ്കാരം വ്യത്യസ്ഥ വിശ്വാസം... പോസ്റ്റിലെ അവസാന ഭാഗം നൊമ്പരമുളവാക്കി എന്ന് പറഞ്ഞ്‌ നിറുത്തട്ടെ... ആശംസകള്‍

      Delete
    2. മൊഹിയുദ്ദീനെന്നല്ല ആരും തന്നെ പോസ്റ്റ് വായിക്കാതെ ഒരു കമന്റും ഇടരുതെന്നാണെന്റെ അഭിപ്രായം.

      Delete
    3. ഞാന്‍ വൈകീട്ട് ചായ കുടിക്കുമ്പോള്‍ വായിക്കാം.
      അല്ലെങ്കില്‍ രണ്ടു ദിവസം കഴിഞ്ഞു വായിക്കാം.
      തെങ്ങ ഉടച്ചു പോകുന്നു , പിന്നെ വന്നു വായിക്കാം.. തുടങ്ങിയ കമെന്റുകള്‍ ഈ ഇടെ പല ബ്ലോഗുകളിലും കാണുന്നു. എന്താണിങ്ങനെ എന്ന് അറിയില്ല

      Delete
  13. നമുക്ക് പ്രാര്‍ഥിക്കാം അല്ലെ അല്ലാതെ ഇപ്പൊ എന്ത് ചെയ്യാനാ

    ReplyDelete
  14. ആ വേദനയിൽ...അവരൊടൊപ്പം...പൈമയും.....

    ReplyDelete
  15. ഉള്ളില്‍ തീ കോരിയിടുന്ന വരികള്‍... പ്രാര്‍ത്ഥനകള്‍ മാത്രം

    ReplyDelete
  16. ഇത് ആചാര വൈകല്യങ്ങള്‍ ആഴത്തില്‍ സ്വാധീനം ചെലുത്തിയത് കൊണ്ട് സംഭവിച്ച മാനസീക പ്രശ്നം ആണെന്നാണ്‌ തോന്നുന്നത് ..ആദ്യകാലത്ത് ചികില്‍സിച്ച ഡോക്ടര്‍ക്ക് രോഗാവസ്ഥയുടെ ആഴം എന്തെന്ന് മനസിലാക്കാന്‍ പ്രാഥമിക നിരീക്ഷണം കൊണ്ട് കഴിഞ്ഞിട്ടുണ്ടാവില്ല ..കുറെ പേര്‍ സഹതപിക്കുന്നു എന്നത് കൊണ്ട് ഇത്തരം അസുഖങ്ങള്‍ മാറുകയില്ല ..(.പോസ്റ്റ്‌ എന്താണ് എന്ന് വായിക്കുന്നതിനു മുന്‍പ് ഒരാള്‍ ഹ ഹ ഹ എന്ന് അട്ടഹസിക്കുന്നതും കണ്ടു ! )
    ആ കുട്ടിയെ മനോരോഗ ചികിത്സകനെ കാണിക്കുകയാണ് വേണ്ടത് ..ഇത്തരം സാഹചര്യങ്ങളില്‍ മാതാപിതാക്കളുടെയും ബന്ധുക്കളുടെയും അറിവില്ലായ്മയും ദാരിദ്ര്യവും നിസഹായാവസ്ഥ ഉണ്ടാക്കും ..അവരെ നേരിട്ട് അറിയാവുന്നവര്‍ ഉന്നത ചികിത്സയ്ക്ക് കുട്ടിയെ വിധേയമാക്കാന്‍ പ്രേരിപ്പിക്കുകയാണ് വേണ്ടത് . അവരുടെ സാമ്പത്തിക സ്ഥിതിക്ക് താങ്ങാവുന്നതില്‍ കൂടുതല്‍ ആണ് തുകയെന്കില്‍ മറ്റുള്ളവര്‍ക്ക് സഹായിക്കാം ..ആദ്യ പടി ചികിത്സയെക്കുറിച്ച് വിദഗ്ധാഭിപ്രായം എന്തെന്ന് അറിയുകയാണ് .

    ReplyDelete
    Replies
    1. ബൂലോക പോലീസുകാരൊക്കെ എത്തിയോ?? :))))

      ഭായ് പോസ്റ്റ് വായിക്കാതെ കമെന്റിട്ടത് http://www.facebook.com/groups/malayalamblogers/404171839593319/?comment_id=404267249583778

      ഈ ത്രെഡിലുണ്ടായ സംഭവ വികാസങ്ങളെ തുടർന്നാണ്... കൊച്ചുമോൾ പഴയ പോസ്റ്റിന്റെ ത്രെഡ് ഇന്നലെ ഇട്ടിരുന്നതിന് ഞാൻ റിപ്ലെ ചെയ്തു പുതിയതുമായി വരാൻ !!! ഇന്ന് ഡാഷ് ബോർഡിൽ അവരുടെ പോസ്റ്റ് കണ്ടപ്പോൾ പോസ്റ്റ് ഓപ്പൺ ചെയ്ത് ഞാൻ ഇത്രപെട്ടെന്ന് പുതിയ പോസ്റ്റ് വന്നോ എന്ന് കമെന്റിട്ടു... (പോസ്റ്റോ മറ്റുള്ളവരുടെ കമെന്റോ വായിക്കാതെ തന്നെ.. അവിടെ ഞാൻ പറയുകയും ചെയ്തിരുന്നു രാത്രി വായിച്ച് വിശദമായ കമെന്റിടാം...എന്റെ ചിരിയെ മുൻ വിധിയോടെ അട്ടഹാസം എന്ന് വിളിച്ചത് ഇഷ്ടപ്പെടാത്തത് കൊണ്ട് മാത്രമാണ് ഈ വിശദീകരണം... താങ്കൾക്ക് എന്റെ നല്ല നമസ്കാരം.

      Delete
  17. പ്രതിവിധി ഒന്നും അറിയില്ല. പക്ഷെ എന്തെങ്കിലും പ്രതിവിധി കാണാതിരിക്കയില്ലല്ലോ. പോസ്റ്റ് വായിക്കുന്ന ആരെങ്കിലും ഒരു വഴിയുമായി എത്തട്ടെ എന്ന പ്രാര്‍ത്ഥനയോടെ

    ReplyDelete
  18. ഇത് വായിച്ചു കഴിഞ്ഞു... ഇന്നും ഇതൊക്കെയുണ്ടോ എന്ന് ചോതിക്കുന്നതില്‍ അര്‍ത്ഥമില്ല.....
    അരൂര്‍ പറഞ്ഞത് പോലെ പലരുടെയും അറിവില്ലായ്മ ഇത്തരം കാര്യങ്ങളിലേക്ക് നയിക്കുന്നുണ്ട്‌... അത് മുതലെടുക്കാന്‍ ഇത്തരം ബിസിനെസ്സുമായി നടക്കുന്നവരും ഉണ്ട്... നല്ല ചികിത്സ ലഭിക്കാനുള്ള സാഹചര്യങ്ങള്‍ ഉണ്ടാക്കാന്‍ ശ്രമിക്കുക.. അല്ലെങ്കില്‍ വേണ്ടപെട്ടവരെ അറിയിക്കുക...
    അത്ര മാത്രം...

    ReplyDelete
  19. പലതരം അന്ധവിശ്വാസങ്ങള്‍ക്കും നടുവിലാണ് നമ്മള്‍ ജീവിക്കുന്നത്.
    ഒരു നൊമ്പരമായി അവശേഷിക്കുന്നു...
    പോസ്റ്റ്‌ വായിക്കാന്‍ വളരെ പ്രയാസം തോന്നി. അതിന്റെ ഫോണ്ടും ബോള്ടും ഒക്കെക്കൂടി.
    മറ്റാര്‍ക്കും തോന്നിയില്ല എന്നതിനാല്‍ എന്റെ സിസ്ടത്തിന്റെ പ്രശ്നമായേക്കാം.

    ReplyDelete
    Replies
    1. ഫോണ്ട് എനിക്കും പ്രശ്നം ഉണ്ടാക്കി രാംജീ ..പിന്നെ അത് നമ്മുടെ കണ്ണിന്റെ കുഴപ്പം എന്ന് കരുതി മിണ്ടാതിരുന്നതാ :)

      Delete
    2. ഫോണ്ട് ഇപ്പോള്‍ ശരി ആക്കിയിട്ടുണ്ട് ട്ടോ ...എനിക്ക് ഇന്നലെ മാറ്റാന്‍ സാധിച്ചില്ല ...ഇന്നും സ്ഥലത്ത് ഇല്ലായിരുന്നു ഇപ്പോള്‍ മാത്രമാണ് നോക്കാന്‍ സാധിച്ചത് ..:) എല്ലാരും ക്ഷമിക്കുമല്ലോ ..!!

      Delete
  20. ഒരിക്കലും ബാധയെ ഉപദ്രവിച്ച് ഒഴിപ്പിക്കാൻ നോക്കരുത്. ഉപദ്രവമേല്ക്കുന്നത് ശരീരത്തിലാണ്‌. ബാധയ്ക്കല്ല. അടിച്ച് ശരീരത്തെയും മനസ്സിനെയും തളർത്തിയാൽ അത് അവിടെ നിന്നും ഇറങ്ങിപ്പോകും. പക്ഷെ, അപ്പോഴേക്കും പ്രഹരം മുഴുവൻ വ്യക്തി ഏറ്റിട്ടുണ്ടാവും.
    ബാധകയറിയിരിക്കുമ്പോൾ യാതൊരുകാരണവശാലും ശാരീരികമോ മാനസികമോ ആയ പ്രഹരങ്ങൾ ഏൽപ്പിക്കരുത്. ഉണർന്നിരിക്കുമ്പോൾ നിങ്ങളെ ഒരാൾ തല്ലിച്ചതച്ചാലും അതിജീവിക്കാനായെക്കും. എന്നാൽ ഉറക്കത്തിൽ നിങ്ങളെ ആരെങ്കിലും അടിക്കുകയും അർദ്ധബോധാവസ്ഥയിൽ അത് അറിയുകയും ചെയ്താൽ നിങ്ങളിൽ വളരെയധികം മാനസികബുദ്ധിമുട്ടുകൾ ഉണ്ടാകും. ബാധകയറുമ്പോഴും ഇതുപോലെയാണ്‌. ഉറക്കത്തിൽ തിരിച്ചടിക്കില്ല എന്നപോലെ ശരീരം കൊണ്ട് പ്രതികരിക്കുന്നില്ല എന്നുമാത്രം.
    എട്ടാം ക്ലാസ്സിൽ പഠിക്കുമ്പോഴാണല്ലോ ആദ്യമായി പ്രശ്നങ്ങൾ ദൃഷ്ടിയിൽ പെട്ടുതുടങ്ങിയത്. അതിനു മുൻപുമുതൽ പരിശോധിച്ചുവന്നാലേ ഇതിനൊരു പരിഹാരം കാണാനാവൂ. ബാധയായാലും മനശാസ്ത്രപരമായ വൈകല്യമായാലും.

    ReplyDelete
  21. ഏതു നൂറ്റാണ്ടിലാണ് നാമിപ്പോഴും ?

    ReplyDelete
  22. ഇത്തരം മാനസിക ചാഞ്ചാട്ടം കണ്ടാല്‍ ആദ്യം അവനെ എത്തിക്കേണ്ടത് ഒരു മനോരോഗ വിദഗ്ദ്ധന്റെ അടുത്താണ്. അല്ലാതെ കണ്ട മന്ത്രവാദികള്‍ക്കടുത്തല്ല..
    വളരെ വേദനയോടെയാണ് ആ കുട്ടിയുടെ ദുര്യോഗം വായിച്ചത്. അവന്‍ രക്ഷപെടട്ടെ. അതിനായി പ്രാര്‍ത്ഥിക്കാം.. ആശംസകള്‍ കൊച്ചുമോള്‍

    ReplyDelete
  23. ഒരു നൊമ്പരക്കാറ്റ് പോലെ.......ഫോണ്ട് എനിക്കും ,വായിക്കാൻ ബുദ്ധിമുട്ടൂണ്ടാക്കുന്നൂ...പിന്നെ ഇതിൽ പരാമർശിച്ച് കുട്ടിക്ക് വിദ്ഗ്ദ ചികിത്സ വേണമ്ര്ങ്കിൽ ഞാൻ ഇടപെടാം....ഒരു കാറും ചിലവില്ലാതെ ആലപ്പുഴമെഡിക്കൽ കോളേജിലെ മനശാസ്ത്രഞന്റെ ചികഒൽസ ഞാൻ തരപ്പെടുത്തിത്തരാം വിവരങ്ങൾ എന്റെ മെയിലിൽ അയക്കുക.......

    ReplyDelete
  24. ആദ്യമായിട്ടാണ് ഇവിടെ ..
    വരികള്‍ മനസ്സില്‍ പതര്‍ച്ച നല്‍കി ..
    ഒരു കുടുംബത്തില്‍ വന്നു പൊകാവുന്നത് ...
    വന്നു കഴിഞ്ഞാല്‍ മൂക്കത്ത് വിരല്‍ വച്ച്
    തൊന്നുന്നത് ഇപ്പൊഴും പറയുന്ന നമ്മുടെ നാട് ..
    ദുരിതം തന്നെ , കൂടെ അനാചാരങ്ങളുടെ ആകേത്തുകയാണിപ്പൊഴും
    നമ്മുടെ മനസ്സ് , എത്ര പുരൊഗതി വന്നൂന്ന് പറഞ്ഞാലും ..
    ആ കുട്ടിയുടെ മനസ്സിന്റെ താളം നഷ്ട്പെട്ടു പൊയിട്ടുണ്ട്
    ഒരിക്കല്‍ മനസ്സിലേറ്റ വിഷമങ്ങള്‍ ഏതു നിമിഷവും
    പിന്നെയും കടന്നു വരാം , മാനസ്സിക വൈകല്യങ്ങള്‍ കുടുംബപരമായിട്ട്
    ഉണ്ടൊ എന്നു കൂടി നോക്കുക , എന്നിട്ട് നല്ലൊരു മനൊരൊഗ വിദഗ്ദ്ദനേ കാണിക്കുക
    കുഞ്ഞു കുട്ടിയാതിനാലാവണം ആദ്യം അദ്ദേഹം കാര്യമാക്കാതെ വിട്ടത്
    പരീക്ഷ കാലങ്ങളില്‍ മിക്കപ്പൊഴും കുഞ്ഞുങ്ങളില്‍ അമിതമായ
    ടെന്‍ഷന്‍ കൊടുക്കുന്നുണ്ട് മാതാപിതാക്കള്‍ തന്നെ ..
    അത് കൊണ്ട് തന്നെ ആ സമയങ്ങളില്‍ മനസ്സ് കൈവിട്ടു പൊകാനുള്ള
    തലം കൂടിയവരില്‍ അതു സംഭവിക്കുന്നുണ്ട് ..
    നല്ലൊരു മാനസിക ആര്യൊഗ്യ വിദഗ്ദ്ദന് മാറ്റുവാന്‍ കഴിയുന്ന
    ചെറിയ പ്രശ്നങ്ങളെ ഈ മകനുള്ളൂന്ന് കരുതാം ..
    ദൈവം എന്നും കൂട്ടിനുണ്ടാവട്ടെ , തളരാതെ കാക്കാന്‍ കൂട്ടിനുള്ളവര്‍ക്കും ..
    ഒരൊ വാര്‍ത്തകളും , കാഴ്ചകളും വിഷമങ്ങളാണ്
    ദൈവം എന്തൊക്കെ തന്നിട്ടും നാം പരാതി പറയുന്നു
    നമ്മുടെ കുറവുകള്‍ മാത്രം ഉയര്‍ത്തി കാട്ടുന്നു
    മുകളിലേക്കല്ലാതെ , താഴേക്ക് നാമൊന്നും നോക്കുന്നില്ല ..
    എത്ര പേര്‍ ഏതൊക്കെ രീതിയില്‍ ദുരിതമനുഭവിക്കുന്നു ..
    കരുണാമയന്‍ കൃപ ചൊരിയട്ടെ ആ മകനില്‍ ..
    മനസ്സിലേ നോവ് , അതെപൊലെ ലളിതമായി പകര്‍ത്തി ..

    ReplyDelete
  25. ഇതേ പോലെ അനുഭവം എനിക്കുമുണ്ട് കൊച്ചു മോള്‍, ഞാന്‍ കണ്ടത് ഒരു പെണ്‍ കുട്ടിയാണ് പത്താം ക്ലാസ് വരെ അവര്ക്കു കാര്യമായ ഒരു കുഴപ്പവും കണ്ടിരുന്നില്ല, സംസാരം പൊതുവേ കുറവായിരുന്നു എന്നു മാത്രം ...
    നിങ്ങള്ക്ക് ലഭിക്കുന്ന ക്രിയാത്മകമായ മറുപടികള്‍ ഞാനും ഈ പോസ്റ്റ് വഴി ശ്രദ്ധിച്ചു കൊണ്ടിരിക്കുകയാണ്, നല്ല നിര്‍ദ്ദേശങ്ങള്‍ വരികയാണങ്കില്‍ എന്നെയും അറിയിക്കാന്‍ തത്പരയപ്പെടുന്നു ...
    ഇത്തരം ഒരു പോസ്റ്റ് എഴുതിയ കൊച്ചുമൊള്‍ക്ക് എല്ലാ വിധ നന്മകളും നേരുന്നു ....അവരുടെ അസുഖം പെട്ടെന്ന് തന്നെ ഭേദമാവട്ടെ എന്നു പ്രാര്‍ത്ഥിക്കുന്നു ...

    ReplyDelete
  26. പ്രാര്‍ത്ഥനകളോടെ......

    ഫോണ്ട് ബോൾഡ് ആയതുകൊണ്ടാണ് വായനക്ക് ബുദ്ധിമുട്ടുണ്ടാവുന്നത്.... സാധാരണ ഫോണ്ട് ആക്കി നോക്കൂ....

    ReplyDelete
  27. നൊമ്പരമായി മാറി....
    പ്രാര്‍ത്ഥിക്കുന്നു....

    ReplyDelete
  28. അസുകം മാറാന്‍ വേണ്ടി പ്രാര്‍ഥിക്കാം ..........

    ReplyDelete
  29. മനസ്സിന്റെ സന്തുലിനം നഷ്ടപെട്ടാല്‍ ....ഒരു പെന്‍ഡുലം പോലെ ആടുന്ന മനുഷ്യ മനസ്സ് , എല്ലാം ദൈവത്തിന്റെ കയ്യില്‍ പ്രാര്‍ത്ഥന കൂടെ ഉണ്ട് എനിക്ക് തോന്നുന്നത് ഏറ്റവും സ്നേഹവും സംരക്ഷണവും
    വേണ്ടത് മനസിന്റെ സ്ഥിരഭാവം നഷ്ടപെട്ടവര്‍ക്ക് അല്ലെ .......

    ReplyDelete
  30. അസുഖം മാറാന്‍ പ്രാര്‍ഥിക്കാം നമ്മുക്ക് ...

    ReplyDelete
  31. സാധാരണ കൊച്ചുവിന്റെ പോസ്റ്റിൽ വരുമ്പോൾ ഒരു പ്രതീക്ഷ ഉണ്ടാവാറുണ്ട്. ഒരു സന്ദേശം കിട്ടുമെന്ന പ്രതീക്ഷ. അതുണ്ടായില്ല. പക്ഷെ വളരെ നൊമ്പരവും ചിന്തയുമുണർത്തിയ ഒരു പോസ്റ്റായി ഇത്. പ്രാർത്ഥനകളോടെ, ഞാനും.

    ReplyDelete
  32. വല്ലാത്ത ഒരു അവസ്ഥ തന്നെ..ദൈവം രക്ഷിക്കട്ടെ...

    ReplyDelete
  33. മഹാ കഷ്ടമാണല്ലോ ആ കുട്ടിയുടെ അവസ്ഥ! നേര്‍ച്ചകള്‍ കൊണ്ടോ മന്ത്രവാദം കൊണ്ടോ യാതൊരു പ്രയോജനവും കിട്ടില്ല മനസ്സിന്റെ സമനില തെറ്റുന്നത് കൊണ്ടല്ലേ അങ്ങനെ സംഭവിക്കുന്നത്, അതിനാല്‍ അവര്‍ ഒരു മനോരോഗ വിദഗ്ദ്ധനെ കൊണ്ട് ആ കുട്ടിയെ ചികില്‍സിപ്പിക്കുകയാണ് വേണ്ടത്.

    ReplyDelete
  34. This comment has been removed by the author.

    ReplyDelete
  35. തീർച്ചയായും ആ കുട്ടിയെ മനഃശാസ്ത്രജ്ഞനെ കാണിക്കുകയാണ് ആവശ്യം. അതിനുശേഷം തീരുമാനമെന്തായാലും സഹായിക്കാനുള്ള മനസ്സുകൾ ഇവിടെയുണ്ടെന്ന് ആശ്വസിക്കാം. വിവരം മെയിലിൽ എല്ലാവരേയും അറിയിക്കുന്നതും നല്ലതാവും. സഹതാപത്തിന്റെകൂടെ അത്യാവശ്യമായത്, ശ്രീ.ചന്ദുനായർ സൂചിപ്പിച്ചതുപോലെ ശരിയായ മാർഗ്ഗത്തിലൂടെ നീങ്ങുകയെന്നതാണ്.

    ReplyDelete
  36. കേവലം ഒരു സഹതാപത്തിനപ്പുറം പലരും പറഞ്ഞപോലെ പ്രാക്ടിക്കലായി എന്തെങ്കിലും ചെയ്യുവാന്‍ കഴിയട്ടെ ,,കൂടെ എല്ലാവരുടെയും പ്രാര്‍ത്ഥനയും!!

    ReplyDelete
  37. വേദനിപ്പിച്ചു കഥയാലെ കുങ്കുമമേ

    ReplyDelete
  38. മെന്‍റല്‍ ഹാലൂസിനേഷന്‍റെ ഒരു വകഭേദം മാത്രമാണിത്‌ അര്‍ഹിക്കുന്ന ചികിത്സ നല്‍കുക തന്നെയേ അതിനു പരിഹാരമായുള്ളൂ. അതെങ്ങനെ? ഒരിക്കല്‍ ഒരു ദുസ്വപ്നം കണ്ട് ഞെട്ടിയുണര്‍ന്നതിനെത്തുടര്‍ന്ന് തനിയാവര്‍ത്തനം സംഭവിക്കാനായി ആകാംക്ഷയോടെ കാത്തിരുന്നവര്‍ വളഞ്ഞിട്ട് പിടിച്ച് ഭ്രാന്തനാക്കുന്ന കാഴ്ച്ചകള്‍ പരിചിതമാണ്. ഒരിക്കല്‍ ഇത്തരം ഹാലൂസിനേഷന്‍ ലക്ഷണം കാണിച്ചു കഴിഞ്ഞാല്‍ പിന്നെ സമൂഹത്തിനു മുന്‍പില്‍ അയാള്‍ എന്നും ഭ്രാന്തനാണ്. അവരെ സമൂഹം വേറൊരു കണ്ണു കൊണ്ട് കാണുന്നു. അവരെ മാത്രമല്ല; അവരെ ചികിത്സിക്കുന്ന ഡോക്ടര്‍മാരെയും നാം ഭ്രാന്തന്മാരായാണ് പരിഗണിക്കുക. അങ്ങനെ നാം കുറുക്കു വഴികള്‍ തേടുന്നു. അടിയും ഇടിയും മന്ത്രങ്ങളുമായി സമനില വീന്ടെടുക്കാം എന്നു കരുതുന്നവരുടെ സമനില ഒരിക്കലും വീണ്ടെടുക്കാനാകില്ല.
    മനസ്സിന്‍റെ സമനില എന്നത് ഒരു നൂല്‍പാല യാത്രയാണ്. എപ്പോഴും തെറ്റി നിലംപതിക്കാം. സമൂഹത്തിന്‍റെ മനോഭാവം മാറിയില്ലെങ്കില്‍ ഇപ്പറഞ്ഞ കുട്ടി ഓരോ വീട്ടിലും ഇപ്പോഴും പിറവിയെടുക്കാം.

    ReplyDelete
  39. പ്രാര്‍ത്ഥനകള്‍ . . . . തിരൂരിലെ ഒരു ആശുപത്രിയില്‍ ജോലി ചെയ്യുന്ന ഒരു ഡോക്ടര്‍ സുഹ്രത്ത് ഉണ്ട് . . അത്യാവശ്യം ഹിപ്നോടിസം എല്ലാം അറിയാം . . . . ഉപ ബോധമനസ്സിനെ ഉണര്‍ത്തി കൊണ്ടുള്ള ചികിത്സ നടത്താമോ / ഫലിക്കുമോ ????

    ReplyDelete
  40. ആ കുട്ടിയെ ആദ്യം തന്നെ നല്ല ചികിത്സക്ക് വിധേയമാകേണ്ടാതെയുല്ലയിരുന്നു എന്ന് തോന്നുന്നു .ഡോക്ടര്‍മാര്‍ രോഗമോന്നുമില്ല എന്ന് പറഞ്ഞിട്ടും പിനെയും പിന്നെയും മന്ത്രവാദം എന്തിനു നടത്തി ?ഒരിക്കല്‍ ഈ രോഗം വന്നു കഴിഞ്ഞാല്‍ പിന്നെ നേറിയ വിഷമങ്ങള്‍ പോലും അവരുടെ മനസിന്റെ താളം തെറ്റിക്കും .വേദനയോടെ ,ഈ പോസ്റ്റ്‌ കഴിയുന്നത്ര പേരില്‍ എത്തട്ടെ എന്നാ പ്രാര്‍ത്ഥന .എം.എച്ച് .എ ടി എന്നൊരു സംഘടനയുണ്ട് ,നമ്മുടെ സ്മൃതി പ്രകാശേട്ടന്‍ ഒക്കെ അതിന്റെ പ്രചാരകര്‍ ആണ് .ഒന്ന് ബന്ധപ്പെട്ടു നോക്കൂ ..

    ReplyDelete
  41. നന്നായിട്ടുണ്ട് എന്റെ ബ്ലോഗ്‌ വായിക്കുക അഭിപ്രായം എഴുതുക
    'cheathas4you-safalyam.blogspot.com '
    ''cheathas4you-soumyam.blogspot.com '

    ReplyDelete
  42. ചന്തു നായര്‍ പറഞ്ഞ പോലെ എന്തെങ്കിലും ഉടനെ ചെയ്യുക. കൂടാതെ കഴിയുമെങ്കില്‍ ഈ കുട്ടിയെ വേറെ ഏതെങ്കിലും സ്ഥലത്തേക്ക് മാറ്റിയാലും ഒരു പക്ഷെ മാറ്റമുണ്ടാവാന്‍ സാധ്യതയുണ്ടാവും. പഴയ കാര്യങ്ങള്‍ അറിയുന്നവരാരുംതന്നെ ചുറ്റു വട്ടത്തില്ലാതായാല്‍ തന്നെ കുറെ സമാധാനമാവും.

    ReplyDelete
  43. ടെമ്പ്ലേറ്റിലെ ആ കറുത്ത ബാക്ക് ഗ്രൌണ്ടില്‍ സഞ്ചരിക്കുന്ന വെളുത്ത പുള്ളികള്‍ (നക്ഷത്രം പൊലെ) വല്ലാതെ അലോസരമുണ്ടാക്കുന്നു. ശ്രദ്ധിക്കുമോ?

    ReplyDelete
    Replies
    1. കുട്ടിക്കായുടെ അഭിപ്രായത്തെ മാനിക്കുന്നു മഞ്ഞു വീഴ്ച്ച മാറ്റിയിട്ടുണ്ട് ട്ടോ ...!

      Delete
  44. എന്റെ അനുഭവം ഞാൻ ഡിലീട്ട് ചെയ്യുന്നു.....ദൈവം രക്ഷ...

    ReplyDelete
    Replies
    1. ഷബീറിന്റെ അനുഭവം വായിച്ചു ...:(
      ഒരുപക്ഷെ ഈ പോസ്റ്റില്‍ ഉള്ള അഭിപ്രായങ്ങള്‍ ഷബീറിനും ,മജീദിനും ഉപകാരപ്പെടും എന്ന് കരുതുന്നു ...!!
      എനിക്ക് കിട്ടുന്ന വിവരങ്ങള്‍ തീര്‍ച്ചയായും ഞാന്‍ നിങ്ങളെ അറിയിക്കുകയും ചെയ്യാം...!!

      Delete
  45. മാനസിക രോഗ ചികിത്സകർ ഉത്തരം പറയട്ടെ..ചികിത്സിക്കട്ടെ ആ കുട്ടിയ്ക്ക് നല്ലതു വരട്ടെ...പക്ഷെ എന്നെ അലട്ടുന്ന ചോദ്യം ഇതാണ്..മനുഷ്യശരീരത്തിന് പ്രയോഗിക്കാവുന്ന ശക്തിക്ക് ഒരു പരിധി ഉണ്ടാവുമല്ലോ..പക്ഷെ ഈ അവസ്ഥയിൽ മൂന്ന് പേരുടെയൊ അഞ്ചു പേരുടെയൊ ഒക്കെ ശക്തി ഇവർക്ക് എവിടെ നിന്ന് ലഭിക്കുന്നു ?

    ReplyDelete
  46. പ്രാര്‍ത്ഥനയോടെ...

    ReplyDelete
  47. പ്രാര്‍ത്ഥിക്കാം എന്നല്ലാതെ എന്ത് ചെയ്യാന്‍,,,,ഒത്തിരി സങ്കടം തോന്നുന്നു,,നമ്മുടെ ആധുനിക ശാസ്ത്രേം തോറ്റു പോകുന്നത് കാണുമ്പോള്‍,,ആ കുട്ടിയുടെ കാര്യം ഓര്‍ത്തു അതിലേറെ ദുഖം തോന്നുന്നു

    ReplyDelete
  48. കൊച്ചുമോളേ,വല്ലാതെ നൊമ്പരപ്പെടുത്തുന്ന പോസ്റ്റ്.അന്ധവിശ്വാസങ്ങളുടെയും അനാചാരങ്ങളുടെയും കൂരിരുട്ടില്‍ തകരുന്ന മനസ്സുകള്‍ ഇങ്ങിനെ എത്രയെത്ര!!നല്ലതു വരാന്‍ പ്രാര്‍ഥിക്കാം പ്രവര്‍ത്തിക്കാം.അതാവട്ടെ നമ്മുടെ ധര്‍മ്മവും നിയോഗവും.

    ReplyDelete
  49. ഒരു കുട്ടി വഴിതെറ്റുന്നത് അവന്റെ പരിസരങ്ങളിൽനിന്നു അവനു ലഭിക്കുന്ന പാഠങ്ങളീലൂടെയാണ് ഇവിടെയും സംഭവിച്ചത് മറ്റൊന്നുമല്ല കുട്ടിക്ക് വേണ്ടുന്ന ചികിത്സ അവർ സമീപിച്ചിടങ്ങളിൽനിന്നും ഇതുവരെയും കിട്ടിയിട്ടില്ല എന്നാണ് എനിക്ക് മനസിലാക്കാൻ കഴിഞ്ഞത്. ഇക്കാര്യത്തിൽ വിദഗ്ത്തനായ ഒരു ഡോക്ട്ടറെ സമീപിക്കുകയാണ് വേണ്ടത്.ഇത് മനസിന്റെ പ്രശ്നമായത്കൊണ്ട് .

    ReplyDelete
  50. ഈ നൊമ്പരക്കാറ്റു നല്‍കിയ വേദനയുമായി...

    ചികിത്സ നമ്മുടെ സമൂഹത്തിനും കൂടി വേണമല്ലോ...

    ReplyDelete
  51. ഒരിക്കല്‍ ഒരാള്‍ക്ക്‌ അസുഖം വന്നാല്‍ വീണ്ടും അയാളെ രോഗിയാക്കുന്നത് പലപ്പോഴും സമൂഹത്തില്‍ കാണപ്പെടുന്നു.
    ഒരു വിഗദ്ധമാനസ്ശാസ്ത്രന്ജനെ കണ്ടാല്‍ പരിഹരിക്കാവുന്ന പ്രശന്മാണ് ഇതെന്നാണ് എനിക്ക് തോന്നുന്നത്.കമെന്റു ബോക്സ്ല്‍ സഹതാപമല്ലാത്ത പ്രായോഗിക അഭിപ്രായം പ്രതീക്ഷിക്കാം.

    ReplyDelete
  52. സമൂഹത്തിന്റെ അധപതനമാണിത്.
    മരുന്നുകൊണ്ട് മാറ്റേണ്ടത് മന്ത്രംകൊണ്ടും മന്ത്രം ആവശ്യമുള്ളിടത്ത് മുറിവയ്ദ്യന്‍മാരുടെ ചികില്‍സ തേടിയും തീരേ ചെറിയ കുട്ടികളുടെ ജീവിതംപോലും മാതാപിതാക്കള്‍ നശിപ്പിക്കുന്നു.

    എത്ര പ്രസിദ്ധീകരണങ്ങള്‍ നമുക്കുണ്ട്! എത്ര ചാനലുകള്‍ !എന്തോരം മതപണ്ഡിതന്മാര്‍ വാതോരാതെ പ്രസംഗിക്കുന്നു!
    എന്നിട്ടും സമൂഹത്തിലെ അന്ധവിശ്വാസങ്ങള്‍ മാറിയോ?
    നമ്മുടെ കുഞ്ഞുങ്ങളെ പൂജാരിമാര്‍ തല്ലിക്കൊല്ലുന്നത്‌ നിന്നോ?
    സമൂഹത്തിന്റെ അന്യതാബോധവും നിരാശയും അസുഖവും മാറിയോ?

    മാറിയിട്ടില്ലെന്ന് മാത്രമല്ല, അത് വര്‍ദ്ധിച്ചുകൊണ്ടേയിരിക്കുന്നു!
    ചുമ്മാ ചിരിക്കുന്നവന്‍ നമുക്ക് ഭ്രാന്തനാണ്. ചുമ്മാ കരയുന്നവനും അങ്ങനെതന്നെ! അവന്റെ ചിരിക്ക് പിന്നിലെ സന്തോഷമോ കരച്ചിലിനു പിറകിലെ സങ്കടമോ അന്വേഷിക്കാന്‍ നമുക്ക് സമയമില്ല. സമയമുണ്ടെങ്കിലും നമുക്ക് താല്പര്യം അന്യനു ഭ്രാന്ത് ഉണ്ടാക്കുന്നതിലാണ്.
    we create others mad. we forget to keep our hands on their shoulders!

    (പ്രാര്‍ഥിക്കുന്നു. മറ്റുള്ളവരുടെ പ്രാര്‍ത്ഥനയിലേക്ക് ഈ കുട്ടിയെ വലിച്ചുകൊണ്ടുവന്ന കൊച്ചൂസിനു ദൈവാനുഗ്രഹമുണ്ടാകട്ടെ)

    ReplyDelete
  53. പാവപ്പെട്ടവനും ചന്തുനായരും രമേശും പറഞ്ഞതോട് യോജിക്കുന്നു. കൃത്യവും വ്യക്തവുമായ ചികത്സയാണ് ആവശ്യം. ആദ്യം ചികത്സിച്ച ഡോക്ടര്‍ ഒരു പക്ഷെ അത്ര നല്ല രീതിയില്‍ അതിനെ അനലൈസ് ചെയ്തിട്ടുണ്ടാവില്ല. ചിലപ്പോള്‍ ചില കൌണ്‍സിലിങുകളിലൂടെ പരിഹാരം കണ്ടെത്തുവാന്‍ കഴിയും. നമ്മുടെ ബൂലോകത്തില്‍ തന്നെ ചില പ്രൊഫഷണല്‍ കൌണ്‍സിലര്‍മാര്‍ ഉണ്ടല്ലോ.. ഷെരീഫിക്കയും സ്മിതയും മറ്റും.. അവരൊക്കെ എന്ത് പറയുന്നു എന്ന് നോക്കാം..

    ReplyDelete
  54. counselling kude hypnotherapy orupakshey eekuttiku useful akum.mindile thoughts clear akanam enkil ivide hypnotism avshyamaanu...so avarkku aavazhi onnu sramikkaam.

    ReplyDelete
  55. ചന്തു നായര്‍ക്കൊപ്പം ഞാനുമുണ്ട്. വിവരങ്ങള്‍ തരിക . നമുക്ക് ആവും വിധം ചെയ്യാം.

    ReplyDelete
  56. മനസ്സുരുകി പ്രാര്‍ത്ഥിക്കാം ആ പൊന്നുമോന് വേണ്ടി. ഉത്തരമില്ലാത്ത പല ചോദ്യങ്ങളും ഇപ്പോഴും ആധുനിക ശാസ്ത്രത്തെവരെ കൊഞ്ഞനം കുത്തുന്നു. ഇത്തരം അസുഖങ്ങളെ നമ്മള്‍ സമീപിക്കുന്ന രീതികളിലാണൊ പിഴയ്ക്കുന്നത്....?

    ReplyDelete
  57. അലപ്പുഴ മെഡിക്കൽ കോളേജിലെ സൈക്കാട്രിസ്റ്റ്, അസിസ്റ്റന്റ് പ്രൊഫസർ."ഡോക്ടർ അരുൺ ബി.നായർ" എന്റെ അനന്തിരവനാണു..കുട്ടിയെ അവിടെ കാണിക്കുക എന്റെ പേർ പറയുക... എല്ലാ ഉപദേശങ്ങളും ചികിത്സയും തരുന്നതാണു...ഒരു രൂപ പോലും നൽകേണ്ടതില്ലാ...മരുന്ന് പോലും വാങ്ങിത്തരാനുള്ള ഏർപ്പാട് ഞാൻ ചെയ്തു തരാം...വിവരം എന്നെ അറിയിക്കുക....

    ReplyDelete
    Replies
    1. ചന്തുവേട്ടാ ഞാന്‍ തീര്‍ച്ചയായും ഇത് അവരെ അറിയിക്കാം ...ചന്തുവേട്ടന് വിശദവിവരത്തിന് ഞാന്‍ മെയില്‍ അയക്കാം ട്ടോ ...!!

      Delete
    2. എന്‍റെ ആദ്യത്തെ കമന്റ്‌ ചെന്തു ഏട്ടന് വേണ്ടി ,,,,,,,,,,,,ഒരുപാട് ഒരുപാട് നന്ദി ഉണ്ട് .........ഗോഡ് ബ്ലസ് യു '''''

      Delete
  58. പ്രാര്‍ഥിക്കാം…

    ReplyDelete
  59. ഫോണ്ട് ഇപ്പോള്‍ വായിക്കാന്‍ പറ്റുന്നുണ്ട് ....

    ReplyDelete
  60. പ്രാര്‍ത്ഥനയോടെ...

    ReplyDelete
  61. അന്ധവിശ്വാസങ്ങള്‍ പലപ്പോഴും വലിയ വിപത്തായി മാറുന്നു. ആളിക്കത്തിക്കാനായി സമൂഹവും............
    കുട്ടിക്ക്‌ വേണ്ടിയുള്ള പ്രാര്‍ത്ഥനയില്‍ ഞാനും പങ്ക് ചേരുന്നു.

    ReplyDelete
  62. ആ കുട്ടിയുടെ അസുഖം പെട്ടെന്ന് മാറട്ടെ എന്ന് പ്രാര്‍ഥിക്കുന്നു.....

    ReplyDelete
  63. ആ കുട്ടി മനസ്സിന്റെ നൊമ്പരമായി അവശേഷിക്കുന്നു .... ശാശ്വതമായി അസുഖം മാറാന്‍ ഞാനും പ്രാര്‍ത്ഥിക്കുന്നു

    ReplyDelete
  64. മനസ്സ്‌ നിറഞ്ഞ പ്രാര്‍ത്ഥന.. ഈ കുട്ടിയുടെ മാതാപിതാക്കള്‍ക്കും ഈ അവസ്ഥ നേരിടാനുള്ള കരുത്ത് ഉണ്ടാവട്ടെ... പക്ഷെ, മന്ത്രം അല്ല മരുന്നാണ് വേണ്ടത്...

    ReplyDelete
  65. പ്രിയപ്പെട്ട മനോരാജ്, താങ്കളുടെ അഭിപ്രായം കണ്ടു. പക്ഷേ എന്റെ കൌണ്‍സിലിങ് ഫീല്‍ഡ് വേറെയാണു.
    ഈ കുട്ടിയുടെ കേസില്‍ എവിടെയാണു തകരാറ് സംഭവിച്ചതെന്ന് വ്യക്തമാണു. കുട്ടിയുടെ ജീവിതാന്തരീക്ഷം അന്ധ‌വിശ്വാസവും അനാചാരവും നിഴല്‍ വീഴ്ത്തുന്ന ഇടമാണു. ആദ്യം കുട്ടിയെ കാണിച്ച മനോരോഗ വിദഗ്ദന്‍ പേരിനു എന്തോ കാട്ടിക്കൂട്ടിയെന്നു മാത്രം.ഇവിടെ ചന്തു നായര്‍ മുന്നോട്ട് വെച്ച സജസ്ഷനാണു ഉത്തമമെന്നു തോന്നുന്നു. യാത്രചെലവിനും മറ്റും ബൂലോഗം കനിഞ്ഞാല്‍ മതിയല്ലോ. അതു അത്രക്ക് വേണ്ട താനും. കിട്ടിയിടത്തോളം ലക്ഷണങ്ങള്‍ വെച്ചു സംഘര്‍ഷങ്ങള്‍ (പരീക്ഷ ഉള്‍പ്പടെ) അഭിമുഖീകരിക്കാനുള്ള പ്രതിസന്ധി കുട്ടിയുടെ മനോനില തകരാറിലാക്കുന്നു എന്നാണു തോന്നുന്നത്. ഏതായാലും വിദഗ്ദ ചികിത്സയാല്‍ രോഗം മാറുമെന്ന് പ്രതീക്ഷിക്കാം. ആദ്യം കുട്ടിയുടെ രക്ഷകര്‍ത്താക്കളുമായി ബന്ധപ്പെടണം . അടുത്ത നടപടികള്‍ അത്കഴിഞ്ഞ്.......

    ReplyDelete
  66. ആ കുട്ടിക്ക് മാനസിക തകരാറില്ല എന്ന് പറഞ്ഞതിനോട് എനിക്ക് യോജിക്കാന്‍ കഴിയുന്നില്ല.നല്ല ഒരു ഡോക്ടരെ കാണിച്ചു അതിനെ രക്ഷപ്പെടുത്താനാകും എന്നാണു എനിക്ക് തോന്നുന്നത്.മറ്റുള്ളവരെ അനുകരിച്ചു സംസാരിക്കുന്നത് മാനസിക വൈകല്യമാണെന്ന് എവിടെയോ വായിച്ചതായി ഓര്‍മ്മ.ഒരിക്കല്‍ തകരാറ് വന്നവര്‍ കുറെ നാളത്തേക്ക് മരുന്ന് കഴിക്കണം എന്നും കേട്ടിട്ടുണ്ട്. ചിലപ്പോള്‍ ഇതിലെ പിഴവായിരിക്കും വീണ്ടും അസുഖം വന്നത്

    ReplyDelete
  67. ദൈവം ഈ മനസ്സുകള്‍ കാണുന്നുണ്ടല്ലോ ...ആ നൊമ്പരവും കാണാതിരിക്കില്ല അവന്റെ അസുഖം മാറുമെന്നു തന്നെ പ്രതീക്ഷിക്കാം പ്രാര്‍ഥിക്കാം .....

    ReplyDelete
  68. പഴയ തലമുറയില്‍ ഇത്തരം കാഴ്ചകള്‍ അത്ര പുതുമയൊന്നുമായിരുന്നില്ല എന്ന് തോന്നുന്നു. പലരും കേട്ടിട്ടുണ്ടാവും. മരിച്ച മകന്റെ ശബ്ദത്തില്‍ സംസാരിക്കുന്ന അമ്മമാര്‍, സ്വപ്നത്തില്‍ വേണ്ട നിര്‍ദ്ദേശങ്ങള്‍ നല്‍കി അപകടങ്ങള്‍ ഒഴിവാക്കുന്ന കാരണവര്‍...
    നമുക്ക് മനസ്സിലാവത്തവയെ നാം അന്ധവിശ്വാസം എന്ന് വിളിക്കുന്നു. ആര്‍ക്കറിയാം...

    ReplyDelete
  69. പ്രാര്‍ത്ഥനകള്‍ കൊണ്ട് കഴിയും റബ്ബ് വലിയവനാ പരീക്ഷണമായിരികും , സമാന അനുഭവം എന്റെ ഫ്രെണ്ടിന്റെ പെങ്ങള്‍ക്കുണ്ടായിതുണ്ട് കല്യാണം കഴിഞ്ഞ ദിവസം ഭര്‍ത്താവിന്റെ വീട്ടില്‍ നിന്നും അലറി വിളിച്ചു കൊണ്ട് ഒരു ഭ്രാന്തിയെ പോലെ ഇറങ്ങിയോടീ ഒരു കുഴപ്പവും ഇലാത്ത പെണ്ണ് , അസുഖം മറച്ചു വെച്ചതാനെന്നും പറഞ്ഞു ഭര്‍ത്താവ് മൊഴി ചൊല്ലി .. എന്താണ് തനിക്കന്നു പറ്റി യതെന്നരിയാതെ ആ കുട്ടി ഇന്നും ജീവിക്കുന്നു എന്റെ ഫ്രെണ്ടിന്റെ വാക്കുകള്‍ കേള്‍ക്കുമ്പോള്‍ സങ്കടം തോന്നാറുണ്ട് .. നാഥന്‍ കാക്കട്ടെ . ഇത്തയുടെ ഈ നൊമ്പരം വേദനിപ്പിച്ചു .. അന്ധ വിശ്വാസത്തിലേക്ക് ചിലരെ കൊണ്ട് പോകുന്നത് വിശ്വസ്ഥരായ ചിലരുടെ വാക്കുകളാവാം ,
    ആ പയ്യന്‍ പഴയ പോലെയാവട്ടെ എന്ന് ആത്മാര്‍ഥമായി പ്രാര്‍ഥിക്കുന്നു ..

    ReplyDelete
  70. വിദഗ്ദ്ധ ചികിത്സയാണ് വേണ്ടത്. ശ്രി. ചന്തു നായര്‍ നല്ലൊരു വഴി ചൂണ്ട് കാട്ടിയിട്ടുണ്ട്. അതായിരിക്കും
    ഉത്തമം. ഷെറീഫ് സാര്‍ പറഞ്ഞതുപോലെ പരീക്ഷയുടെ സമ്മര്‍ദ്ദവും ആവാം.

    ReplyDelete
  71. ഇതിനുള്ള ഒന്നാമത്തെ പരിഹാരം കൂടുതല്‍ അന്ധവിശ്വാസങ്ങളിലേക്കു പോവാതിരിക്കുക എന്നുള്ളതാണ്. അത് കൂടുതല്‍ താളം തെറ്റിക്കുകയെ ഉള്ളൂ. കൂടുതല്‍ ശാസ്ത്രീയമായ ചികിത്സാ മാര്‍ഗങ്ങള്‍ തേടുക. കാരണം എന്ത് തന്നെയായാലും വേഗം സുഖപ്പെടട്ടെ എന്ന് കരുതി ചികിത്സിക്കുക. നൊമ്പരപ്പെടുത്തുന്ന അനുഭവം തന്നെ.

    ReplyDelete
  72. വായിച്ചപ്പോള്‍ മനസ്സില്‍ ഒരു നൊമ്പരക്കാറ്റ്‌.
    നല്ല ചികില്‍സകള്‍ നല്‍കി എത്രയും വേഗം ആ കുട്ടി സുഖപ്പെടട്ടെ..

    പ്രാര്‍ഥനയോടെ..

    ReplyDelete
  73. പറഞ്ഞു കേട്ടറിവേ ഉള്ളൂ ഇത്തരം സംഭവങ്ങളെ കുറിച്ച്, എന്താണ് ഒരു പ്രതിവിധി എന്നറിയില്ല.

    ആരോടെങ്കിലും ചോദിച്ചു നോക്കാം...

    ReplyDelete
  74. വായിച്ചു എന്ത് പറയണമെന്നറിയില്ല , പ്രതിവിധിയില്ലാത്ത പ്രശ്നമില്ലെന്ന തത്വത്തില്‍ അടിയുറച്ചു വേണ്ടത് വേണ്ടപോലെ ചെയ്താലേ എന്തെകിലും മാറ്റമുണ്ടാവൂ..കഴിയാവുന്നവര്‍ ഇടപെടട്ടെ.

    ReplyDelete
  75. നൊമ്പരപ്പെടുത്തുന്ന ചില ദൈവിക പരീക്ഷണങ്ങള്‍....

    ReplyDelete
  76. നാട്ടിന്‍പുറങ്ങളില്‍ മാത്രമല്ല, ഇപ്പോള്‍ നഗരങ്ങളിലും ഉണ്ട് ഇത്തരം അന്ധവിശ്വാസികള്‍. സത്യത്തില്‍ നമ്മുടെ ആളുകള്‍ക്കിടയില്‍ ഇത്തരം കൊള്ളരുതായ്മകള്‍ കൂടി വരികയാണെന്ന് തോന്നുന്നു.

    ReplyDelete
  77. ആദ്യമായി ഈ വിഷയം നല്ല ഒരു ചര്‍ച്ചയ്ക്കായി പോസ്റ്റ്‌ ചെയ്ത കൊച്ചുമോള്‍ക്ക് അഭിനന്ദനങ്ങള്‍. ഇന്ന് മറ്റു ശാസ്ത്രവിഷയങ്ങളില്‍ എന്നപോലെ മനശാസ്ത്രത്തിലും നമ്മള്‍ ഒരുപാട് മുന്നേറിയിട്ടുണ്ട്. പലപ്പോഴും വഴിതെറ്റുന്ന നിഗമനങ്ങള്‍ ആണ് ഇത്തരം കാര്യങ്ങള്‍ കൂടുതല്‍ കുഴപ്പം ആക്കുന്നത്. സമൂഹത്തിനും ഇതില്‍ നല്ല പങ്കുണ്ട്. ചെറിയ മാനസിക വിഭ്രാന്തി പോലും സമൂഹം പെരുപ്പിച്ചു കാട്ടി വലിയ ഭ്രാന്ത്‌ ആക്കും. അവര്‍ക്ക് അതൊക്കെ തമാശയാണ്. ബ്ലോഗ്‌ ലോകത്തിന് ഇത്തരം കാര്യങ്ങളില്‍ ഫലപ്രദമായി ഇടപെടാം എന്ന് ഈ പോസ്റ്റ്‌ തെളിയിക്കുന്നു.

    ReplyDelete
  78. This comment has been removed by the author.

    ReplyDelete
  79. ആ കുട്ടിക്ക് നല്ലത് മാത്രം വരട്ടെ എന്ന് പ്രാര്‍ത്ഥിക്കുന്നു
    വേഗം അസുഖം മാറി മിടുക്കന്‍ ആവട്ടെ..
    എന്ത് കൊണ്ടാണ് ഇങ്ങനെ സംഭവിക്കുന്നത്‌ എന്ന് ഇതുവരെ മനസിലാക്കാന്‍ കഴിഞ്ഞിട്ടില്ല
    എന്റെ ഒരു പോസ്റ്റില്‍ ഇത് പോലൊരു സംഭവം ഞാനും പറഞ്ഞിരുന്നു
    വിശ്വസിച്ചാലും ഇല്ലെങ്കിലും

    ReplyDelete
  80. കുങ്കുമം വായിച്ച എന്റെ എല്ലാ സുഹൃത്തുക്കള്‍ക്കും , നിങ്ങളുടെ വിലയേറിയ അഭിപ്രായങ്ങള്‍ക്കും ഹൃദയം നിറഞ്ഞ നന്ദി അറിയിച്ചുകൊള്ളുന്നു .....തുടര്‍ന്നും നിങ്ങളുടെ സഹകരണം പ്രതീക്ഷിക്കുന്നു.....!!

    ReplyDelete
  81. പ്രാര്‍ഥിക്കാന്‍ അല്ലാതെ
    ഒന്നും ചെയ്യാന്‍ ആവതില്ല...

    ReplyDelete
  82. നൊമ്പരപ്പെടുത്തുന്ന കാര്യം തന്നെ..ചില കുട്ടികള്‍ക്കുണ്ടാവുന്ന അസുഖങ്ങള്‍ അവരുടെ മാതാപിതാക്കളിലേല്‍പ്പിക്കുന്ന വിഷമതകള്‍ കാണുമ്പോള്‍ സങ്കടം തോന്നാറുണ്ട്.മാനസികമായോ ശാരീരികമായോ വൈകല്യങ്ങളാല്‍ അവശതയനുഭവിക്കുന്ന നമ്മുടെ സഹോദരങ്ങളെ പരിഹസിക്കാതിരിക്കുക,വേദനിപ്പിക്കാതിരിക്കുക എന്നത് മാത്രമേ എനിക്ക് പറയാനുള്ളൂ..

    ReplyDelete
  83. വല്ലാത്ത വിഷമം തോന്നുന്നു ആ കുട്ടിയുടെ വിധിയോര്ത്ത്. പ്രാര്‍ഥിക്കുന്നു.

    ReplyDelete
  84. എന്തൊക്കെ രോഗങ്ങളാ...! സുഖപ്പെടാന്‍ പ്രാര്‍ത്ഥിക്കുന്നു...

    ReplyDelete
  85. ആ കുട്ടിക്ക് അവന്‍റെ ജീവിതത്തിന്‍റെ താളം തിരിച്ച് കിട്ടട്ടെ എന്ന് പ്രാര്‍ഥിക്കുന്നു.

    ReplyDelete
  86. ചികിത്സ തുടങ്ങിയോ? എന്താണ് പുതിയ വിവരങ്ങള്‍?

    ReplyDelete
    Replies
    1. ചികിത്സ തുടര്‍ന്ന് കൊണ്ടിരിക്കുന്നു ...? എനിക്ക് കിട്ടിയ വിവരങ്ങള്‍ ഞാനും അറിയിച്ചിട്ടുണ്ട് ..?
      എല്ലാവരുടെയും പ്രാര്‍ഥനകള്‍ ഉണ്ടാകും എന്നറിയാം ... അവന്‍ പഴേ പോലെ ആകും എന്ന് പ്രതീക്ഷിക്കുന്നു ...അവനു വേണ്ടി പ്രാര്‍ത്ഥിക്കുന്ന എല്ലാ സുഹൃത്തുക്കള്‍ക്കും ഒരായിരം നന്ദി ..!!

      Delete
  87. വിശ്വാസങ്ങളും ആചാരങ്ങളും നമുക്ക് പലപ്പോഴും ബാധ്യതയാവുന്നുണ്ടെന്ന് ഈ സംഭവം ഒരിക്കല്‍ കൂടി തെളിയിക്കുന്നു... ഇത്തരം കേസുകള്‍ ഇപ്പോള്‍ ധാരാളം വരുന്നുണ്ട് എന്നാണു psychologist ആയ എന്റൊരു സുഹൃത്ത് പറഞ്ഞത്‌...
    (ഈ പോസ്റ്റ്‌ കുറച്ചു ദിവസം മുന്നേ വായിച്ചിരുന്നുവെങ്കിലും ഇതേ പറ്റി ആ സുഹൃത്തിനോട് സംസാരിച്ചതിനു ശേഷം മറുപടിയെഴുതാം എന്ന് കരുതിയിരിക്കുവായിരുന്നു ചേച്ചി ഞാന്‍....)
    മുറിവൈദ്യര്‍ ആളെ കൊല്ലും എന്ന് കേട്ടിട്ടില്ലേ... അതാണ്‌ ഇവിടെ സംഭവിച്ചത്.... പഠിപ്പും വിവരവുമുള്ള ഏതെങ്കിലും മനശാസ്ത്രജ്ഞനെ consult ചെയ്യുകയാണ് വേണ്ടത്... സമാധാനപൂര്‍വ്വം കാര്യങ്ങള്‍ കുട്ടിയില്‍ നിന്നും (hypnotism പോലുള്ള വഴികള്‍ ) ചോദിച്ചു മനസ്സിലാക്കുകയും ശേഷം ചിട്ടയായ counselling വഴി കുട്ടിയെ മടക്കി കൊണ്ടു വരാന്‍ കഴിയുമെന്നാണ് ആ ചങ്ങാതി പറഞ്ഞത്... മരുന്നും മന്ത്രവും ഫലിക്കാത്തിടത്ത് സ്നേഹപൂര്‍വമുള്ള പരിചരണം ഫലം കണ്ടെത്തിയേക്കും..... സ്ഥലത്തെ മികച്ച ഏതെങ്കിലും psychiatristനെ കാട്ടൂ ആ കുട്ടിയെ....

    ReplyDelete
  88. അന്ധവിശ്വാസങ്ങളില്‍ നിന്നും ഇനിയും മോചനമില്ലല്ലോ..!!
    പ്രാര്‍ഥനകള്‍ ആ പാവം കുഞ്ഞിനായി...

    ReplyDelete
  89. അതെ,മന്ത്രവാദം ഒരു രോഗത്തിനും പ്രതിവിധിയാകുന്നില്ല.
    വിദഗ്ദ ചികില്‍സ കിട്ടിയാല്‍ തീര്‍ച്ചയായും മാറിയേക്കും.
    ആദ്യത്തെ ഡോക്ടറുടെ മറുപടി കണക്കിലെടുക്കാതെ മറ്റൊരാളെ കാണിക്കാമായിരുന്നു.
    ഞാനും പ്രാര്‍ഥിക്കുന്നു അവനു വേണ്ടി.

    ReplyDelete
  90. കുട്ടിയുടെ പ്രശ്നം അറിഞ്ഞു ചികിത്സ നടത്താന്‍ ഇന്ന് ഒരു പാട് മാര്‍ഗങ്ങള്‍ ഉണ്ടല്ലോ..അന്ധവിശ്വാസങ്ങളും കപട പൂജാരിമാരുടെ മര്‍ദനങ്ങലുമാണ് ആ കുട്ടിയുടെ മാനസിക നില തെറ്റിച്ചത് എന്ന് തോന്നുന്നു....
    കോഴിക്കോട്‌ പരിസരത്തു ആണെങ്കില്‍ ഫറൂക്ക് കോളേജിലെ പ്രൂഫ. മുഹമദ് ഹസനെ സമീപിക്കാവുന്നതാണ്...
    ഏതായാലും ഇത്തരം സാമൂഹിക പ്രതിബദ്ധതയുള്ള വിഷയങ്ങള്‍ എഴുതുന്നതിനു കൊച്ചുമോള്‍ അഭിനന്ദനം അര്‍ഹിക്കുന്നു....!

    ReplyDelete
  91. സാമൂഹ്യപ്രസക്തമായ പോസ്റ്റിനു അഭിനന്ദനങള്‍ ,, തിരൂരിനടുത്ത് ഡോക്ടര്‍ ഹൈദരലി കള്ളിയത്ത്‌ നെ സമീപിച്ചു നോക്കൂ..

    ReplyDelete
  92. ഈ പോസ്റ്റില്‍ എത്താന്‍ വൈകി കൊച്ചുമോള്‍,
    എന്താണ് പ്രധിവിധി എന്ന് സാധാരണക്കാരനായ ഞാന്‍ എന്ത് പറയുക? സൈക്കാര്ട്രരി തന്നെ ശരണം. ആത്മാവിനെ വിളിക്കുക എന്നൊരു പരിപാടി പണ്ട് ഹോസ്റലില്‍ കേട്ടിരുന്നു. എങ്കിലും അതിന്റെ ഗുട്ടന്‍സ്‌ എന്തെന്ന് ഇതുവരെ പിടിയില്ല!

    ReplyDelete
  93. ഇതൊരു സൈക്കിയാട്രിക് ഡിസോര്‍ഡര്‍ അല്ലേ.പൂര്‍ണമായ രോഗശമനം ഉണ്ടായില്ലെങ്കിലും ശ്രമിച്ചാല്‍ നല്ല രീതിയില്‍ മുന്നോട്ടുപോകാന്‍ കഴിയും.പ്രാകൃത രീതികള്‍ ഒഴിവാക്കി നല്ലൊരു സൈക്കിയാട്രിസ്റ്റിനെ കാണുക.
    കുങ്കുമത്തിന്റെ ശൈലി നന്നായിരിക്കുന്നു.

    ReplyDelete
  94. നോവായി മാറിയ പോസ്റ്റ്‌. കുട്ടിയുടെ അസുഖം മാറട്ടെ എന്ന് പ്രാര്‍ഥിക്കുന്നു..

    ReplyDelete
  95. malayalam font wrk cheyyunnilla atha manglish

    innane ee post vayikan patiyath

    uchithamaaya chikilsa thakka samayathu labichal

    thiriche nalla jeevithathilek ee kutti ethipedum

    chandu chetan paranja pole treatment thudangy kanum ennu pratheekshikkunnu

    ethrayum pettenne pazhaya churu churukkulla payyanai avan thirichu varatte ,, prarthanakal

    ReplyDelete
  96. ഇങ്ങനെയുമോ ? സുഖപ്പെടട്ടെ

    ReplyDelete
  97. ഇത് വായിച്ചപ്പോള്‍ മനസ്സില്‍ ആദ്യം ഓടിയെത്തിയത് ആ മാതാപിതാക്കളുടെ വേദനയാണ്.
    നല്ല രീതിയിലൂടെയുള്ള ചികത്സയിലൂടെ എത്രയും വേഗം അസുഖം മാറി സാധാരണ ജീവിതത്തിലേക്ക്
    വരാന്‍ ആ കൊച്ചു കുട്ടിക്ക് കഴിയട്ടെ എന്ന് പ്രാര്‍ത്ഥിക്കുന്നു.

    ReplyDelete
  98. പോസ്റ്റ്‌ വായിച്ചു....അനുഭവങ്ങള്‍ ആണല്ലോ എക്കാലവും കൊച്ചുമോള്‍ എഴുതുന്നത്‌..
    അത് കൊണ്ട് തന്നെ, അവ കൂടുതല്‍ മനസ്സില്‍ തട്ടും....
    ഒരു psychiatrist പറഞ്ഞത് ഇതാണ്....: "സേവ് യുവര്‍ മൈന്‍ഡ് അറ്റ്‌ എനി കോസ്റ്റ്......"
    എല്ലാം ഉണ്ടായാലും മനസ്സിന്ടെ പിടി വിട്ടാല്‍...അവിടെ തീര്‍ന്നു എല്ലാം...

    ReplyDelete
  99. മനസില്‍ തട്ടുന്ന അനുഭവം....

    ReplyDelete
  100. ഇതിനൊക്കെ കാരണം എന്താണെന്നു ചോദിച്ചാല്‍ സാധാരണക്കാരായ നമുക്ക്‌ അപ്രാപ്യമാവും ഉത്തരം..മണിച്ചിത്രത്താഴിലെ നാഗവല്ലിയായി ഫാസില്‍ നമുക്ക്‌ മുന്‍പില്‍ ഇറക്കി വിട്ടതും ഇതു പൊലെ ഒരു മള്‍ട്ടീപ്പില്‍ പെര്‍സനാലിട്ടിയെ അല്ലെ..ഈ പ്രേതം കൂടലിന്റെ കഥകള്‍ ഞാനും കേട്ടിട്ടുണ്ട്‌..

    ReplyDelete
  101. പാവം കുട്ടി സങ്കടം തോന്നുന്നു ..
    അവനു വേണ്ടി പ്രാര്തിക്കാം ട്ടോ ..

    ReplyDelete
  102. പ്രിയപ്പെട്ട കൊച്ചുമോള്‍,
    മനസ്സിനെ സങ്കടപ്പെടുത്തിയ ഈ സംഭവം തനിമ നഷ്ട്ടപ്പെടുത്താതെ എഴുതിയതിനു അഭിനന്ദനങ്ങള്‍.
    ഇതെല്ലാം ഇപ്പോഴും നമുക്ക് ചുറ്റും സംഭവിക്കുന്ന സത്യങ്ങള്‍.
    സസ്നേഹം,
    അനു

    ReplyDelete
  103. nombaramayi...... blogil puthiya post....... PRIYAPPETTA ANJALI MENONU....... vaayikkane...........

    ReplyDelete
  104. പത്താം ക്ലാസ്സില്‍ ഉയര്‍ന്ന മാര്‍ക്ക്‌ വാങ്ങി സ്കൂളിനെ മികച്ച റാങ്കുകളില്‍ ഒന്നുനേടി പാസ്സായ ശാന്തസ്വഭാവിയായ ഒരു മിടുക്കനെ നീലിക്കറിയാം. പിന്നീട് കുട്ടിയുടെ രീതികള്‍ ആകെ മാറി.കുട്ടിയുടെ അച്ഛന്‍ ഒരു കാവ് വെട്ടിയെന്നാണ് നാട്ടുകാര്‍ കണ്ടെത്തിയ കാരണം. വീട്ടുകാര്‍ കുട്ടിയെ ഒരു മനോരോഗ വിദഗ്ധനെ കാണിച്ചു. താളം തെറ്റിയ മനസ് നേരെയാക്കുന്നതിനിടെ കുട്ടി ആകെ മാറി. ഇപ്പോള്‍ കണ്ടാല്‍ സഹിക്കില്ല. മെലിഞ്ഞു നീണ്ടു നിര്‍വികാര മുഖവുമായി എവിടേയ്ക്കോ ദൃഷ്ടി ഉറപ്പിച്ചു ഒരു രൂപം. ഇത് വായിച്ചപ്പോള്‍ ആ കുട്ടിയെ ഓര്‍ത്തു.

    ReplyDelete
  105. ഇതിപ്പോ എന്താ പറയാ.. ആശങ്കകള്‍ മാറ്റി നിര്‍ത്തി സ്നേഹം മാത്രം നിറഞ്ഞ ഒരു ചുറ്റുപ്പാട് ഉണ്ടാക്കി കൊടുത്താല്‍ ചില്ലപ്പോള്‍ ശരിയാവും എന്ന് എനിക്ക് തോന്നുന്നു..

    ReplyDelete
  106. സുഹൃത്തേ,
    നാമെല്ലാവരിലും ഇത്തരം താളം തെറ്റലുകള്‍ ഉണ്ട്‌. പലതും അതിരു കടക്കുന്നില്ലെന്നു മാത്രം.
    ആ കുട്ടിയെക്കുറിച്ചോര്‍ത്ത്‌ വിഷമിക്കുന്നു. ഈ താളം തെറ്റലിണ്റ്റെ വേര്‌ കണ്ടുപിടിക്കാന്‍ കഴിഞ്ഞിരുന്നെങ്കില്‍ അത്‌ പിഴുതുമാറ്റാമായിരുന്നു.

    പിന്നെ, അസ്വഭാവികത കണ്ടു രസിക്കുന്ന സമൂഹത്തിലാണ്‌ നാം ജീവിക്കുന്നതെന്ന സത്യം ആരും മറക്കാതിരിക്കുക. (സംസ്കാരത്തെക്കുറിച്ച്‌ നാം വീമ്പിളക്കുമ്പോഴും.... )

    എഴുത്ത്‌ കുത്തിനോവിക്കുന്നു....

    ReplyDelete
  107. പ്രിയ സുഹൃത്തുക്കളെ നിങ്ങള്‍ക്ക് ഏവര്‍ക്കും ന്റെ ഹൃദയം നിറഞ്ഞ നന്ദി അറിയിച്ചു കൊള്ളട്ടെ ....!
    എന്റെ നൊമ്പരക്കാറ്റിനു നിങ്ങള്‍ വിലയേറിയ അഭിപ്രായങ്ങള്‍ തന്നു സഹായിച്ചു , അതേപോലെ ഏവരും എന്റെ പുതിയ പോസ്റ്റ്‌ "അവള്‍ പറഞ്ഞത്" അതിനും അഭിപ്രായങ്ങള്‍ പറയും എന്ന് പ്രതീക്ഷിക്കുന്നു ...!നിങ്ങളുടെ എല്ലാവരുടെയും വിലയേറിയ അഭിപ്രായം പ്രതീക്ഷിച്ചു കൊള്ളുന്നു ഈ കുങ്കുമം ....

    ReplyDelete
  108. രമേശേട്ടന്‍ പറഞ്ഞത് പോലെ കുറെ പേര്‍ സഹതപിക്കുന്നു എന്നത് കൊണ്ടോ കുറെ പേര്‍ പ്രാര്‍ത്ഥിക്കുന്നു എന്ന് പറഞ്ഞത് കൊണ്ടോ ഇത്തരം അസുഖങ്ങള്‍ മാറുകയില്ല,നല്ല ചികിത്സ ലഭ്യമാക്കുക എന്നത് വലിയൊരു കാര്യമാണ്. അതിനു ശേഷമാകാം സഹതാപവും പ്രാര്‍ഥനയും

    ReplyDelete
  109. പറഞ്ഞതുപോലെ സഹതാപമല്ല..
    ചികിത്സയാണാവശ്യം..

    ReplyDelete
  110. ചികില്‍സ ഉണ്ടല്ലോ.. പലപ്പോഴും നമ്മള്‍ അമിതമായി സഹതപിക്കുന്നു.. സമീപനമാണ് തിരുത്തേണ്ടത് എന്നാണ് എന്റെ അഭിപ്രായം. അതാണ്‌ നന്മ.

    ReplyDelete
  111. In my opinion, this child has been displaying some symptoms of MOOD DISORDER. Symptoms started as the "pressured speech"which usually seen in "Manic" phase of Bipolar Disorder. He has been treated in religeous manner which was not going to make much difference. Later on the child presents symptoms of "depression". Bipolar Disorders presents with manic and depressive symptoms. During manic phase it could presents with grandiosity and erraneous thought disorder. He could benefit treatment from a well trained Child Psychiatrist and psychotherapy as well.There are several mood stabilizers, atypical antidepressants were availbale now to treat children with mood disorder.

    ReplyDelete
    Replies
    1. I have been working as a Consultant in Children with Autism and Behavioral Disorders in United states....If you can provide more info related to this particular child, I can give my suggestions
      Dr. Boby

      Delete
    2. Respected Dr.

      This is informing you that first are the delay for apologies,

      and that child present situation under standing for the delaied .

      Moreover, I will inform the more details through E-mail. Please give me the E-mail I D

      Delete
    3. my email is is jualje@gmail.com

      Delete
    4. This comment has been removed by the author.

      Delete
  112. am also think that your opinion is right

    ReplyDelete
  113. മനസ്സില്‍ വേദനമാത്രം ബാക്കിയായി. നല്ല ചികിത്സകിട്ടി ,നല്ല സമീപനത്തിലൂടെ ആ കുട്ടി സ്വാഭാവികതയിലേക്ക് തിരിച്ചു വന്നുകാണും എന്ന് പ്രതീക്ഷിക്കുന്നു. മറ്റുള്ളവരുടെ ദു:ഖത്തിന് ഒരു വാക്ക് കൊണ്ടോ ,മാര്‍ഗ്ഗനിര്‍ദ്ദേശം കൊണ്ടോ, താങ്ങാവുന്ന കൊച്ചുമോളുടെ അനുഭവക്കുറിപ്പുകള്‍ക്ക് അഭിനന്ദങ്ങള്‍ .

    ReplyDelete

Related Posts Plugin for WordPress, Blogger...